.jpg)
خداداد امیری، کتاب ساتیش ایشی بیلن شغللهنیب هم خلق و هم خدانی راضی قیلهدی. او، 40- و 50- دههلر پایتختدهگی کتاب ساتووچیلرنینگ مدنیتیگه قیتیب و کتابلرینی مشتریلرگه کِرا بیرهدی.
اقتصاد بولیمی اوقووچیسی خدادادنینگ ایتیشیچه، اوقووچیلرنینگ کتاب اوقیشگه بولگن علاقهسی و چونتکلری بوشلیگیدن خبردار دیر و انه شو سبب، کتابنی کِرا بیریش مدنیتینینگ قولگه آلیب و اوز نوبهسیده یاشلرنینگ آرهسیده کتاب اوقیش مدنیتینی رواجلنتیریش و باشقه بیر تاماندن ایشگه کیریش اوچون سعی و حرکت قیلگن.
خدادادنینگ کتاب ساتیش دُکانی جوده هم کیچیک دیر؛ تورلی موضوعلر اینیقسه حکایه و ادبیات خصوصیده یوزلرچه جلد کتابنی قفسچهده تیرگن. بیراق دُکاننی تار فضاسی کتابلرنی سیقگن و خداداد، آز بوش فضاده هم بیر کتابنی جایلشتیریشگه مجبور بولگن.
هر بیر کتاب اوقووچی کتاب بهاسینی توللب کتابنی کِرا آلهدی و کتابنی اوقیب قیتریب بیرگنیدن کیین پولینی آلهدی. مثلا بیران کیشی «یوز ییل یالغیزلیک» کتابینی اوقیشگه قصد قیلگن صورتده، هر کیچه و کوندوزده 5 افغانی کتابنی کِرا قیلیب و 20 افغانی بیلن کتابنی اوقیب تماملهیدی.
.jpg)
شو کیچه و کونده، خداداد کتاب ساتووچی دُکانینینگ کتاب کِرا آلهدیگن کمیده 50 مشتریسی بار و خداداد هم نادِر کتابلرنی کتاب ساتووچی بازارلردن تاپیب و دُکانینینگ قفسچهلریگه تیریش اوچون سعی و حرکت قیلهدی. اونینگ ایشانچیگه کوره، کتابلری جوده آز تاپیلهدی و بازارده هم آز کورینهدی.
خدادادنینگ ایتیشیچه، دُکانی جود هم کیچیب و کتابلرینی نمایشگه قوییش اوچون ییترلی فضاسی یوق دیر، بیراق کتابلرینی بیرته- بیرته علاقه مندلریگه کورستهدی و کتاب و یازووچیسینینگ توغریسیده اولر بیلن صحبتلشگه سعی و حرکت قیلهدی.
خدادادنینگ بو حرکتی ینگی بولمهی و کته بیر آدیم حسابلنمسه کیرهک؛ بیراق کتاب ساتووچیلر، چای خانهلر، هوتللر، کسلخانهلر و شونینگدیک، یشاوچیلر بیلن علاقهدار بولگن باشقه ادارهلر، خداداد کبی مملکتده کتاب اوقیش مدنیتینی رواجلنتیریش اوچون کتاب بیلن بیزهلگن کیچیک قفسچهلرنی خلق اختیاریده قویگن تقدیرده، باشقه هیچ بیر یشاوچی بو قدر درس، یازیش و کتابدن بیگانه بولمهیدی و هردایم بو مقولهنی هم تیلگه آلمهیدی کیم «کتاب اوقیش ایش سیزلرنی ایشی دیر».
