جمهورلیک ریاستی نینگ بیر خبرنامه آرقهلی ایتیشیچه، کابل «بالاحصاری» هند دولتی و آغاخان بنیادی تامانیدن قیتهدن قوریلهدی. خبرنامهده ایتیلیشیچه، آغاخان بنیادی و هند مملکتی کابل نینگ مذکور تاریخی منطقهسیدن قیته قوریلیشی خصوصیده کیلیشوونامه امضا قیلگن.
جمهورلیک ریاستی تامانیدن نشر قیلینگن خبرنامهده ایتیلیشیچه، اوشبو کیلیشوونامه کابل بوییچه هند ایلچیسی وینی کمار و آغاخان نینگ دیپلوماتیک نمایندهسی شهیرهزاده هرجی آرهسیده امضالنگن.
کابل بوییچه هند ایلچیسی وینی کمارنینگ ایتیشیچه، کابل بالاحصاری افغانستان نینگ تاریخی بنالریدن دیر و هند تاریخی بنالرنی قیتهدن قوریشگه علاقمند. او مذکور پروژه موفقیتلیک بیلن یکونلهنیشیدن امیدوارلیک بیلدیرگن.
خبرنامهگه کوره، مذکور ییغینده مملکت جمهور رئیس محمداشرف غنی، تاریخی بنالر افتخارلی اوتمیشلریمیزنی کورستهدی.
خبرنامهده کوپهیتیریلیشیچه، کابل بالاحصاری نینگ قیته قوریلیشی هند مملکتی نینگ مالی یاردمی آرقهلی، آغاخان بنیادی نینگ کینگیتیریش بولیمی تامانیدن صورت تاپهدی.
کابل بالاحصاری افغانستان و انگلیس نینگ بیرینچی و ایکینچی اوروشیده و اوندن سونگ، کمونیستی حکومت دوریده افغانستان حربی مرکزلریدن بیری ایدی.
