بوگون "سهشنبه" کابلده عیال ژورنالیستلرگه قرشی زورهوانلیککه توسیق بولیش منشوری تقدیم ایتیلدی
افغانستانده عیال ژورنالیستلردن حمایت قیلیش دفتری باشلیغی فریده نیکزادنینگ اوشبو منشورنی تقدیم ایتیش ییغینیگه ایتیشیچه، مدیالرگه عیاللرگه قرشی غیرمسوولانه یول باریش و جنسی زورهوانلیک باعث کوپینچه عیاللر ژورنالیست اوشبو مسلکنی ترک قیلگن. خانم نیکزاد گه کوره، اوشبو منشور مدنیت و معلومات وزیرلیگی همکارلیکی آرقهلی مدیالر مسووللری تامایندن عملگه آشیریلهدی.
مدیالرگه مدیریت و قرار آلیش موقعیتلرگه عیاللرنینگ استخدام ایتیلیشی، حقوقلرینینگ تضمین ایتیلیشی و اولرنینگ شکایتلریگه دقت قیلیش تقدیم ایتیلگن منشورنینگ اساسی مواردلریدن دیر. اوشبو منشورنینگ قانونی دستورالعملی یوق، یالغیز اخلاقی و مسلکی بیر تعهد حسابلنهدی.
مدنیت و معلومات وزیرلیگینینگ نشراتی اورین باسری سید حسینآقا فاضل سانچارکینینگ اوشبو منشور دن حمایت قیلیب ایتیشیچه، مدنیت و معلومات وزیرلیگی کمیده 5 آی آلدین ژورنالیستلر شکایتلریگه دقت ییتیشیش کمیتهنی قورگن. بیراق جناب سانچارکی گه کوره، بودجه بولمهگنی سبب اوشبو لایحه عملگه آشیریلمهگن.
عیال ژورنالیستلرگه قرشی زورهوانلیککه توسیق ایتیلیش اوچون مدنیت و معلومات وزیرلیگینینگ اورین باسری و مدیالر مسووللری اوشبو منشورگه امضا قیلگنلر.
