سونگی ایکی کون جریانیده یوز بیرگن سوو تاشقینلر کوپینچه مالی خسارات و جانی تلفات چکهسیده، غور ولایتی نینگ جام مناریده جدی شکلده زیان ییتیشتیرگن.
دولت نینگ طبیعی حادثهلرگه قرشی کورهش وزیری نجیبآقا فهیم، اقتصاد و عالی اوقوویورتلر وزیری و کابل بوییچه هندوستان نینگ ایلچیسی بیلن غور ولایتیده باریب محل یشاوچیلری همکارلیگی بیلن غور جام منارینی سوو تاشقینلر خطریدن قوتقرگن دیر.
جناب فهیمگه کوره، گرچند سوو تاشقینلر غور جام مناریده جدی زیان ییتیشتیرگن، بیراق مذکور منارنینگ کوپراق زیان کوریشیگه توسیق بولیش اوچون سعی و حرکت ایتیلهدی.
غور ولایتی کینگش باشلیغی فضل احسان نینگ ایتیشیچه، غور جام مناری نینگ وضعیتیگه دقت بولمهگن صورتده، تیزلیکده مذکور منارنینگ نابود ایتیلیشی ممکن.
غور مدنی فعاللریدن بیرقطاری هم غور جام مناری نینگ وضعیتینی خواطرلنترووچی عنوان قیلهدیلر. اولرنینگ ایتیشیچه، حکومت مسووللری حاضرگهقدر بو منارنی سقوط قیلیش خطریدن قوتقریش اوچون سعی و حرکت قیلمهگن.
کابینه وزیرلری، غور ولایتیده باریب اوشبو ولایت بیلیم یورتی نینگ ایکینچیلیک بولیمی بناسی تاشینی هندوستان نینگ مالی یاردمی بیلن قویگنلر.
