"چهارشنبه سوری" قویاش ییلنینگ سونگی چهارشنبه آقشامی اوتکزیلهدیگن مخصوص بیرهم. ییل نینگ چهارشنبه آقشامی عایلهلر یغاچ ییغیب اوت یاقیش بیلن الاو اوستیدن اوچیب اوتهدیلر. مذکور اوتنینگ کولی یامان شگونی بارلیگی ایتیهدی.
انه شو سبب چهارشنبه سورینینگ ایرتهسی کون، مذکور اوت نینگ کولی بیرار خاتین تامانیدن سووگه تشلنهدی یا- ده دیوار آستیگه کومیلهدی. سونگ مذکور عیال اویگه قیتیش بیلن خانهدان اعضاسیگه اوزی بیلن صمیمیت و صفا کیلتیریلگن لیگینی تیلگه آلهدی.
اوزاق ییللردن بیری، بو عرف و عادتلر افغانستاندن یوقالیب، بعضی ولایتلر جملهدن هرات ولایتیده چیکلهنیب قالگن. اما، اخیرگی نیچه ییل آقیمیده کابلده قطار مدنی جماعهچیلیک فعاللری و فرهنگیلر مذکور آریایی بیرهم نی نشانلیدیلر.
بیلیم یورت استادی هم یازووچی یعقوب یسناگه کوره، ایسکی بیرهملرنی اوتکزیش افغانستان خلقی نی بیر – بیراویگه یقینلشتیریش اوچون امکانیت یرهتهدی. اوشبو فرهنگی بیلیمدان، ایسکی مدنیتلرنی رواجلتنیریش مملکتده یرهش و برقرارلیک تامین ایتلیشیگه هم سبب بولهدی دیگن
.
شونینگدیک یسنا، افغانستان معارف درسلیکلریده اوقووچیلریگه بو توغریلرده معلومات بیریلمسلیگی مملکتدهگی بعضی عرف عادتلرنینگ نابود بولیشیگه باعث بولگن لیگی بارهسیده تاکیدلهگن.
عین حالده، باشقه بیر یازووچی روح الامین نینگ سلاموطندارگه ایتیشیچه، چهارشنبه سوری و ینگی ییلنی بیرهم قیلیش افغانستان خلقینینگ اوزاق ییللر جریانیده نشانلهنیب کیلگن فرهنگلریدن بیری بولگن.
امینی، حاضرگی کونلرده چهارشنبه سوریگه دینی و مذهبی توس بیریلگن دیگن؛ اما، بو بیرهم ایسه کوپراق فرهنگی و باستانی توس – رنگ – گه ایگه. مملکتنینگ بو یازووچیسی، بیز یشب تورگن محیطده کونده اولدیریش، انتحار، پارتلش، مملکتدن قاچیش اوچون بوندهی بیرهملرنی اوتکزیش آز بولگنده هم اهالی کونگلیگه قووانچ بیرهدی دیگن.
