مین تورموش اورتاق ایمس، آت ایستیمن؛ فیلمی همایون پاییز دایریکتورلیگی بیلن یازیلگن. اوشبو فیلم بو ییل پکن قیسقه فیلم فستوالیده اینگ یخشی قیسقه فیلم مکافاتینی آلدی.
مذکور فیلم حقیده سلام وطندارگه صحبت بیرگن همایون پاییزگه کوره، بو فیلمده افغانستان خلقی تیریکچیلیگینینگ حکایهسی بیرته – بیرته عکس ایتدیریلگن. فیلیم داستانی اوزاق ییلدن بیری اوروش کولنکهسی، قیغو، غضب و کمبغللیکده حیات کیچیرگن ایلنینگ درد و المیدن حکایه قیلهدی.
فیلمنینگ اصلی موضوعی قویاش سکسنینچی ییلی کابلده بیر- بیراوی بیلن اوچرهشگن ایکّی عایلهنینگ قیتگن تقدیریگه بغیشلنگن. انتحاری هجومده تورموش اورتاغی عالمدن اوتگن ایرکک یاش امیدسیزلیک بیلن عمرباد مملکتنی ترک قیلشگه بیل باغلیدی. او، سفر خرجتینی قولگه کیریتیش اوچون ایکّی نرسهنی ساتووگه قویهدی. آت و قیزی.
باشقه بیر خانهدان ایسه ایکّی سینی یعنی هم آت و هم قیزنی ساتیب آلیشگه قرار قیلهدی. عایلهنینگ اوشبو کیشیسی آتنی کتّه اوغلی و قیزنی ایسه کیچیک اوغلی بولگن زالگه آلماقچی بولهدی. بیراق، زال ایسه آتهسینینگ بو تنلاویگه راضی ایمسلیگینی سیزدیریب تورموش قوریشنی ایستهمیدی. انه شبو باعث او قیته – قیته مین تورموش اورتاق ایمس آت آلهمن دیگن مسالهنی ایلگری سورهدی.
فیلم دایریکتوریگه کوره، اوشبو فیلم افغانستان خلقینی عیالگه نسبتن بولگن قرهشینی عکس ایتیرهدی و مخاطبگه ایسه بیز قیسی دنیاده حیات کیچیره یاتگنلیگیمیزنی انیقلیدی.
افغان فیلم باشلیغی ابراهیم عارفی، افغانستان سینما وضعیتی هر قندهی نقطه نظردن یاقیمسیز بولگن لیگیگه قرهمی، بو صنعت ایسه بوتونلی رونق دن قالگن دیدی، اما همایون پاییزنینگ« مین تورموش اورتاق ایمس، آت» ایستیمن فیلمی بو ساحه صنعتچیلری کونگلیده امید یاروغلیکلرینی تیریلتیرگن دیگن.
قیسقه فیلم فستوالی هر ییل چینده اوتکزیلهدی. مذکور فستوالده ایچکی و تشقی فیلملر ایکّی بولیمگه اجرهتیلیب مکافات بیریلهدی.
