.JPG)
افغانستان باشکینتی کابلده بیر هفته آلدین، جمعهدن شنبه گه اوتر کیچهسی مملکتنینگ یازووچیسی، تدقیقاتچیسی و تنقیدچیسی عمران راتب، یورهگی توختهگنی باعث عالمدن اوتدی. اوشبو یاش تنقیدچیدن نیچه چاپ ایتیلمهگن و بیر چاپ ایتیلگن اثر میراث قالگن.
مذکور کورهشچن یازووچینینگ اولیمی مناسبتی گه یازووچیلر و مدنیتچیلردن بیرقطاری، افغانستان مدنیت اوییده بیر ییرده توپلهنیب اونی ایسلهگنلر.
اوشبو برنامهده عمران راتب نینگ یقین دوستلری اوندن بولگن ایستدهلیکلری و مملکت مدنی جماعهسی گه او بیلن کیرگن اوتمیشلریدن حکایه قیلگنلر.
.JPG)
عمران راتب نینگ یقین دوستلریدن بولیب مملکتدن تشقری یشهیدیگن کاوه جبران، رامین انوری و یعقوب یسنا، نامهلر یوباریب اوندن کورهشچن یازووچیسی، تنقیدچی و آچیق انسان بولگنیدن ایسلهگنلر.
عمران راتبنینگ فعالیتلری توغریسیده بیلیم یورت استادی یامان حکمت نینگ ایتیشیچه، او کیچیک یاشیده دنیا متفکرلرینینگ توشونچهلرینی یخشی بیر شکلده سیزیب آلگن ایدی. اونگه کوره، راتب حاضرگی متفکرلردن اوستون بوله آلردی.
عمران راتب، طبیعی بیلیم اوقیگن ایدی، بیراق رشتهسیگه قرشی فلسفه و ادبیات گه قیزیقیب و تورلی مطلبلر یازیب آز مدت ده یازووچیلردن کوپینچهسینینگ دقتینی اوزیگه جلب قیلگن ایدی.
.JPG)
«ایست قلبی کلیمهسی» نامی بیلن جناب راتب دن ایسلش مراسمیده، ایران ده بولگن خرمگس ناملی فلسفی گاهنامهسی بیر پیام یوللب اونینگ فعالیتلریدن ایسلهگن. راتب دن مذکور گاهنامهده بیر مطلب 9- دفتریده چاپ ایتیلگن و خرمگس مسؤوللریگه کوره، سونگی مطلب سونگی دفتریده نشر ایتیلیشی ممکن.
عمران راتبنینگ اتاق داشی و دوستلریدن بیری ظهور زامیاد، عمران راتب نینگ سونگی نفسی گه همراهلیک قیلگن و بو برنامهده او بیلن بولگن ایستدهلیگیدن ایسلهدی. جناب زامیادنینگ ایتیشیچه، راتب یمان اقتصادی حالتده هم کورهشدن قول تارتمهدی و هر بیر شرایطده اوقیدی، قلم تیبرهتدی و یازدی.
.JPG)
زامیادگه کوره، راتب شاعر، صنعتچی و ادیب هرکاره ایمسلیگینی بیلیب آلگن ایدی و بو ییرده تنقیدچی نامیده باشقه بیر کیشی نیازلیگینی توشونگن ایدی.
عمران راتبدن کوپینچه مطلب تورلی وبسایتلر اینیقسه سلاموطندارده نشر ایتیلگن و تیزلیککه اوندن قالگن مقالهلر و کتابلر دوستلری و هم کسبلری آرقهلی نشر ایتیلیشیگه قرار قیلینگن.
