بوگون "شنبه" مدنیت و معلومات وزیرلیگی، خلقارا صنعت کونی مناسبتی بیلن پروان ولایتینینگ مدنیت و معلومات ریاستیده بیر صنعت‌گاه قوریب و اوشبو صنعت‌گاه گه صنعت‌کارلرنینگ آثارلری ثقلهندی.
پروان ولایتی مدنیت و معلومات ریاستینینگ مسووللری، مذکور صنعتگاهنینگ قوریلیشینی صنعتی فعالیتلر اوچون اونملی عنوان قیلهدیلر.
پروان ولایتینینگ مدنیت و معلومات ریاستی باشلیغی عبدالواحد هاشمینینگ ایتیشیچه، اوشبو صنعتگاهگه پروان، بامیان، کابل و میدانوردک صنعت‌کارلرنینگ صنعتلری کورگزمهگه قوییلگن.
اونینگ ایتیشیچه، بو صنعتگاهگه 40 صنعتی اثر بولیب دایمی و رایگان صورتده، کوریب چیقهدیگنلر یوزیگه آچیق دیر.
عینحالده، پروان یشاوچیلری و صنعتکارلری اوشبو صنعتگاهنینگ قوریلیشینی خوش قرشیلب و مذکور صنعت‌گاه یاشلر و صنعتی فعالیتلر خصوصیده مثبت تاثیر قویه دیدی دیدیلر.
پروان صنعتکارلریدن ایکی تهسی ذکیه پیرزاد و هدیه اخلاصنینگ ایتیشیچه، اوشبو صنعتگاهنینگ قوریلیشی سبب، بالقوه کوچلری بالفعل گه اوزگریلهدی و واقعی جنبهلرنی اوزیگه آلهدی.
پروان مملکت شمالیده متمدن و فرهنگی میراثلرگه ایگه بولگن ولایتلردن بیری بولیب و کوشانی و یونانیلر دورهلریدن کوپینچه باستانی اثرلر اوشبو ولایتده قالگن.
