.jpg)
افغانستان یاشلریدن بیرقطاری، امنیتی کوچلردن حمایت قیلیش اوچون کابل جادهلریده صورت کورگزمهسی یولگه قویگنلر.
اوشبو یاشلر زرنگار پارکینینگ پیادهرویده امنیتی کوچلرنینگ تورلی صورتلری بیلن بیزهب ایتیشیچه، بو کورگزمهنی یولگه قوییشلریدن مقصد، امنیتی کوچلرنینگ زحمتلریدن قدردانلیک بیلدیریش دیر.
مذکور کورگزمهنی یولگه قویگنلرنینگ ایتیشیچه، بو کورگزمهنی یولگه قوییب اوزاق منطقهلرده بولگن امنیتی کوچلر هم یالغیز بولمهگنینی اثبات قیلهدیلر. بو کورگزمهنی یولگه قویگنلردن ایکی کیشی عبدالخالق میرزایی و وحیدشاه احمدی نینگ ایتیشیچه، امنیتی کوچلر خلق قهرمانلری دیر و بوندهی کورگزمهلرنی یولگه قوییب امنیتی کوچلرنی آلقیشلیدیلر.
شونینگدیک، کابل یشاوچیلری یولگه قوییلگن کورگزمهنی خوش قرشیلب ایتیشیچه، امنیتی کوچلر آز امکانیت بیلن مملکت و خلق دن مدافعه قیلهدیلر.
کابل یشاوچیلریدن بیری الیاس نینگ ایتیشیچه، اوشبو صورت کورگزمهسی حاضرگهقدر کورگن اینگ یخشی کورگزمهلردن بیری دیر. الیاس نینگ ایشانچی گه کوره، بوندهی کورگزمهلر یولگه قوییلیشی امنیتی کوچلر استوارلیک و یوقاری روحیه بیلن اوروش میدانی باریشی گه سبب بولهدی.
.jpg)
کابل یشاوچیلریدن باشقه بیری خالد استانکزینینگ ایتیشیچه، هردایم امنیتی کوچلر حمایت قیلهدی؛ چونکه اولر جانلرینی سپر قیلیب اهالینینگ جانینی سقلهیدی.
پولیس عسکرلریدن بیری محمد هارون نینگ ایتیشیچه، اوشبو جاده دن اوتهیاتگن چاغیده کوزی امنیتی کوچلرنینگ صورتلریگه توشگن و صورتلرنی کورگنده چیککن زحمتلری یشاوچیلر اوچون اهمیتلی بولگنینی حس قیلگن. هارون نینگ ایتیشیچه، اهالینینگ حمایتی باعث، اولر یوقاری روحیه بیلن دوشمن گه قرشی تورهدیلر.
اوتگن آی مملکت جمهور رئیسی محمداشرف غنی ویدیو صحبتلریدن بیریده ایتیشیچه، اوتگن 4 ییلده مملکت امنیتی کوچلریدن کمیده 30 مینگ تهسی هلاک ایتیلگن. بونگه قرهگنده هلاک ایتیلگن امنیتی کوچلرنینگ رقمی دولت تامانیدن بیریلگن رسمی رقملردن آرتیق دیر.
