ننگرهار محلی مسؤوللرینینگ ایتیشیچه، اوشبو 20 میلیون افغانیلیک کتابخانه مذکور ولایت اهالیسینینگ بیلیمی و توشونچهسی آرتیریلیشی اوچون قوریلگن. مذکور کتابخانهنی ایشی ایکی یریم ییلدن سونگ، بوگون یکونلنگن.
بوگون «پنجشنبه» اوشبو کتابخانه آچیلیش مراسمیده مدنیت و معلومات وزیرلیگی سرپرستی رسول باورینینگ ایتیشیچه، مذکور کتابخانهنی قوریلیش خرجتی مدنیت و معلومات وزیرلیگینینگ بودجهسیدن توللنگن.
ننگرهار حاکمی گلاب منگلنینگ ایتیشیچه، اوشبو کتابخانهنی تولدیریش اوچون تیزلیکده مذکور ولایتده کتاب توپلش کمپاینی باشلنهدی.
شونینگدیک، ننگرهار یشاوچیلری بو کتابخانه قوریلگنیدن خرسندلیک بیلدیریب و ولایت محلی رسمیلریدن کتابخانه تولدیریلیشی اوچون سعی و حرکت قیلیشلرینی سورهیدی.
