زابل باستانی آبدهلر سقلاوچی اداره مسؤللرینینگ ایتیشیچه، دولتنینگ دقت سیزلیگی باعث ولایت باستانی آبدهلری بوزیلیش خطریگه روپهره بولگن. گزارشلرگه کوره، مذکور ولایتده یوزبیرگن کیینمه کیین اوروشلر باعث باستانی آبدهلر بوزیلیشی و استهسیکین ییقیلیب توشیش خطریگه دوچ کیلگن.
زابلده 25 باستانی ییر موجود و اولرنینگ برچهسی خلق تمانیدن تانیلگن.
افغانستان شناسلر، باستانی آبدهلر و مقدس ییرلر سقلنیشی ضروری بیلیب ایتیشیچه، بو آبدهلر افغانستان خلقینینگ تاریخی، مدنیتی و باستانینی کورستهدی.
زابل مدنیت و معلومات ریاستی مسؤللرینینگ ایتیشیچه، اولرنیچه مرته مدنیت و معلومات وزیرلیگی دن مذکور ولایت دهگی باستانی آبدهلرگه دقت قیلیشینی سورهگن، بیراق ایستکلریگه دقت قیلینمهگن.
حاضرگچه بیش تاریخی جای، «خانه نازو انا» « بالاحصار قلات» «منار تیر» « تپه صاحبخان» و «سنگر جمال» آتلری بیلن اخبارات ومدنیت وزیرلیگی روی خطگه آلینگن.
زابل ولایتی ایسلنگن آبدهلر یانیده، باشقه باستانی ییرلر بیلن بیرگه بولگن؛ تاریخی تاغ «غوندانو» «مرغ پسندیده» تاریخی یول «قاطر» تاریخی مقبره «بولان پشتونها» و «سورتاک» باستانی ییرلردن سنلهدی.
بوندن آلدین، افغانستان ملی بیرلیک حکومتی اجراییه باشلیغی، مدنیت میراثی تشکیلاتی (یونسکو) اداره سیدن افغانستان تاریخی آبدهلرینی روی خطگه آلیشینی باره سیده تأکید قیلگن ایدی.
جناب عبدالله افغانستاندهگی یونسکو ادارهسینینگ نمایندهسی پاولو فونتانی بیلن اوچرهشگن چاغیده ایتیشیچه، مذکور تشکیلات تمانیدن افغانستان تاریخی آبدهلری حمایت ایتیلیشی کینگهییشی کیرهک.
شونینگدیک یونسکو نمایندهسی جناب پاولو فونتانی مذکور ادارهنینگ افغانستاندهگی فعالیتلری توغری سیده اشاره قیلیب ایتیشیچه، یونسکو باستانی آبدهلرنی سقلش توغریسیده خلقنی آگاهلنتیریش اوچون ایریم برنامهلرنی قولگه آلگن و کیلهجکده باستانی آبدهلر روی خطگه آلینیشی بارهسیده زمینه یرهتهدی.
افغانستان باستانی آبدهلری یمان وضعیتگه قرار تاپگن. سونگی کونلرده ایریم آبدهلر ییقیلیشی جملهدن جامغور مناری و هرات منارلریدن بیر قسمی ییقیلیشی توغری سیده گزارشلر ترقه تیلگن.
