.jpg)
بغلاندهگی اینگ مهم قدیمگی اثرلردن شمرق تاریخی، حکومتنینگ توجه سیزلیگی باعث نابود بولیش عرفهسیده قرار تاپگن.
بو پیکرهلر بغلان مرکزی پلخمری شهرینینگ شمرق تاغیده ییرلشگن فیل، اژدها، آت و باشقه قنچه انسانلرنی شکلی کاروان کیتیش حالتیده توریب قازیلگن.
.jpg)
بغلان مدنیت و بیلدیریش باشلیغی شکریه اصیلنینگ سلاموطندار بیلن قیلگن صحبتیده ایتیشیچه، شمرق بدنهلری اولکه بویلب بامیان بوداسیدن کیین تاریخی و قدیمگی اثر بولیب کته اهمیتگه ایگه.
خانم اصیلنینگ ایتشیچه، شمرق بدنهلری قیته قوریش و یخشی سقلشگه احتیاجی بولگن و اونگه قرهلمهگن صورتده، نابود بولیشی ممکن.
او، بوبارهده مدنیت و بیلدیریش وزیرلیگی بیلن هم سوزلشگن و اولر بو اثرلرنی اسرهلیشی اوچون و قیته قوریلیش بارهسیده وعده بیرگنلیگینی بیلدیرهدی.
.jpg)
بغلان مدنیت و بیلدیریش ادارهسینینگ باستانشناسلریدن نظامالدین توخی نینگ ایتیشیچه، شمرق بدنهلری میلادن اول بیرینچی تا 5- قرندهگی کوشانیلر دوریدن کیلیب چیقر ایکن، بو اثرلر سقلهنیب سیاحلرده معرفی قیلینگن صورتده دولتگه کتته مالی منبع بولیشی ممکن.
بیراق اونگه کوره، حاضرگه قدر بو اثرلر سقلهنیشی و قیته قوریلیشی بارهسیده دولت هیچ قنقه توجه قیلمهگن.
بغلان مدنیت و بیلدیریش ادارهسی رسمیلریگه کوره، ولایتده 26 ثبت بولگن قدیمی و تاریخی اثرلر موجود که بولردن قیزیل کوتل، چین قلعه، شمرق و چهارشنبهتیپه اثرلرینی ایپیک یولی آرتیده تورگن دیسه بولهدی.
