حیاتیده ایکی مرته اسکار کاندیداسی بریتانیالیک تانیقلی اکتور سرجان هرت 77 یاشده عالمدن اوتدی. «یریم کیچهگی شاشیلینچ قطار» و «فیلگه اوخشهگن آدم» ناملی ایکی فلیمده اسکار کاندیداسی جان هرت جمعه کیچهسی دنیا بیلن وداعلشدی.
2015 ده جناب هرت آش قازان آستی بیزیگه یولیگن ایدی اوتگن یازموسمیگه قدر ایشلهدی، بیراق داکترلر توصیهسی اساسیده «اوینچاغلی» ناملی کورگزمه صحنهسینی ناتمام تشلشگه مجبور بولدی.
اونینگ اینگ جدی رویلی «جکی» فلیمیده کشیش بولیب ناتالی پورتمن بیلن اوینهشی ایدی و جو رایت نینگ ایکینچی دنیا اوروشیدن «ظلمت ساعتی» ناملی درامهسی ایدی. مذکور فلیمده او بریتانیانینگ باش وزیری چمبرلین رولینی اوینه ماقچی ایدی.
هرت 1940ده بیشایرده توغیلگن و لندن سلطنتی اکادمیسی نینگ صنعتلر فاکولتهسیده اوقیشنی بیتیریب تیلویزیونگه ایش باشلهدی و 1960 دههده «z ماشینهسی» ناملی سریالده رول اوینهدی.
هرت نینگ بیرینچی سینماده آلقیشنلگن فلیمی « فصللر آدمی» عنوانیده 1966 ده و اوندن 6 ییل اوتیشی بیلن سریال قاتلی رولینی اوینشی بیلن «BAFTA» کاندیداسی بولدی. او، 1980 ده دیوید لینچ نینگ «فیلگه اوخشهگن آدم» ناملی توزهتگن فلمی اکتوری بولیب صحنهگه چیقدی و گولدن گلوب نینگ اسکار کاندیداسی بولیب «BAFTA» مکافاتینی آلدی.
تموغ ایشیگی، دنیا تاریخی: بیرینچی بخت، باتورلر، اوزگه و کیچیک جنایت سریالیده رول اوینهگن هرت نینگ اثرلری دیب رویخطگه آلینگن.
جان هرت نینگ سونگی «BAFTA» مکافاتی 2012 ده بریتانیا سینماسیده اونملی حصه آلگنی اوچون بیریلگن ایدی و 2015 ده شوالیه «سیرت» سرلوحهسینی کسب ایتدی.
