اوتکن (یکشنبه کیچه) ناتانیش قوراللی کیشیلر میدان شهرنینگ چاریکی منطقهسیده «ملاکاکا» زیاتگاهسینی بمب ییرلشتیریب بوزگن.
میدان وردک والیسینینگ سوزلاوچیسی عطاءالله خوگیانی، اوشبو واقعهنی تأیید قیلیب، سلاموطندارگه ایتیشیچه، حاضرگه قدر بو بوزغونچیلیک آرقهسیده کیم بولگنی بیللی ایمس دیر؛ بیراق پولیس کوچلری بو خصوصده کینگ شکلده تیرگاوگه باشلهگن.
میدان وردک ولایتی کینگشی عضوی محمدشریف هوتکنینگ سلاموطندارگه ایتیشیچه، ملاکاکا زیارتگاهسی 90 ییل آلدین توزهلگن ایکن و اوشبو ییللر جریانیده غزنی، پکتیا و کابل ولایتلریدن کوپینچه زیارتچی بو زیارتگاهنی کورگنی کیلر ایکن. جناب هوتکگه کوره، بمب ییرلشتیرگنلر بوندهی بیر عمل بیلن خلق ایچیده مذهبی قیینچیلیک یرهتیشگه قصد قیلهدی.
شونینگدیک کمیده ایکی آلدین، میدان وردک ولایتی تنگی منطقهسیده، قوراللی طالبلر «سوبیا» ناملی تانیقلی زیارتگاهنی اوتکه یاندیرگن ایدی. انه شوندهی ناتانیش قوراللی کیشیلر، لوگر ولایتی چرخ تومنیده، باشقه بیر «شاه خلوتی» ناملی تانیقلی زیارتگاهنی پارتلتگن.ایتیش لازم، مذکور زیارتگاه تاریخیدن کمیده بیش یوز ییل اوتر ایکن.
