.jpg)
نوایی حضرتلری نینگ 575 – ییل توغیلگنی و خلق ارا سمپوزیمی جمهوررییسلیک سرایده بولیب اوتدی
افغانستان اسلامی جمهورلیک دولتی تامانیدن نوایی حضرتلری نینگ خلق ارا سمپوزیمی بولیب اوتیلیش بارهسیده سوز بیریلگن ایدی، بوگون 22 حمل (دوشنبه) جمهور رییسلیک سراییده ایچکی و تشقی سیاستچیلر، یازووچی – شاعرلر و نوایی شناسلر قتنهشیشی بیلن اوتکزیلدی.
بولیب اوتگن خلق ارا نوایی سمپوزیمیده سوزگه چیقیش قیلگنلر نوایی حضرتلری نینگ حیاتی و ایجادیاتی بارهسیده نطق بیاناتلر قیلیب، حضرتلری نینگ سیاسی، ادبی، اجتماعی، عمرانی و معنوی قیرهلری بارهسیده صحبت قیلدیلر.
سوزگه چیقیش قیلگنلردن اوزبیکستان ریاضیات جماعهسی نینگ باشلیغی و بابر خلق ارا فوندی اعضاسی پروفیسورعبدالله اعظمنینگ ایتیشیچه: «نوایی حضرتلری بیر افغانستانلیک بیلیمدان بولیب قالمهگن؛ بلکیم اوزبیکستان و دنیا بویلب بشریت و معنوی آسمانیده جرقیرب چقیگن پارلاق یولدوز و تیموریلر سلالهسی نینگ وزیر اعظمی بولیب شرق رنسانسی حامی سی دیر».
جناب اعظمنینگ کوپهیتیریشیچه، «نوایی حضرتلری باعث کون سه-یین افغانستان و تورک مملکتلری ارا سیاسی، اقتصادی، اجتماعی و فرهنگی علاقهلر یوقاری درجهده کوتاریلیب بارماقده».
او نوایینینگ انسانیت اوچون عدالت و بیرلیکنی ایشلری رمزی بیلردی دیب ایتیشیچه، نوایی یونانلیک فلاسفهلرگه قرشی انسانلرنی خداوند و طبیعت آرقهلی عدالت و برابرلیک یوزهسیدن الهی درجهده چیقیب باریشلری ممکن.
شونینگدیک تورکیهلیک نوایی شناسلردن بولمیش پروفیسور دکتور عبدالرحمن گوزهل نینگ نوایی حضرتلری بارهسیده قرهتیب ایتیشیچه: «نوایی نینگ تیل، سیاست، صدارت و مادی بارلیکلری هیچ زمان شیطانی نفسگه یقین قیله آلمهدی؛ بلکیم او معنویت و خلقسیورلیک یولیدن بیرلحظه هم ادشمسدن معنویت و انسانسیورلیک تامان حرکت قیلدی و تا بوگون بیز اونی اوزیمیزگه اورنک و باشقرووچی دیب بیلهمیز».
دیمک، خلق ارا سمپوزیم حامیلریدن و مملکت جمهور رییسی داکتر محمداشرف غنی ایسه، نوایی حضرتلری نینگ یازووچی، شاعر و سیاسی تدبیرچی انسان صفتیده برچه بشریتگه خیر ییتکیزگن دیب بیلهدی. جناب غنی نوایی حضرتلری نینگ افغانستان تاریخی و منطقه تاریخیده یوقاری مقامنی اوزیگه کسب ایتگنلیگینی تأکید قیلهدی. اونینگ بیلدیریشیچه، «نوایی حضرتلری تورک اوزبیکچه تیلیده پشتونلر معاصر تاریخی بوییچه خوشحال ختک مقامی قندی بولسه نوایی حضرتلری هم شو مقامگه ایگه».
شونینگدیک غنی جنابلری تورک اوزبیکچه تیلی افغانستان بویلب دری و پشتو تیللری بیلن بیر تینگ بولیب برچه اهمیت و حقوقگه ایگه لیگینی اورغولهدی، بیراق کوتیلگنیچه تانیلمهگنلیگی یانیده بیرار پیت اوتیلیب هم قالگن دیدی، اونینگ قوشیمچه قیلیب ایتشیچه، بوندن بویان اوشبو تیل هیچ بیر زمان اونیتیلمسلیگیگه سوز بیردی.
جمهور رییسنینگ امیرالکلام میرنظامالدین علیشیر نوایینینگ اثرلریگه اشاره قیلیب ایتیشیچه، نوایی حضرتلری اوز اثرلریده، عدالت تامین قیلیشیگه تاکید قیلگن و اونینگ یول کورستمهلریدن عدالتنی تامینلش اوچون حکومتدارلیکده فایدهلنیشینی تیلگه آلدی.
بونگه علاوه، جناب غنی نوایی حضرتلری نینگ حقیده دولتی مدال ضرب اوروش وعدهسینی بیریشی بیلن امیرالکلام میرنظامالدین علیشیر نوایینینگ جمهور رییسلیک سرایده افغانستانلیک شخصیتلر قطاریده صورتلریگه جای بیریش بویروغینی بیردی.
خلق ارا سمپوزیم اداغیده جمهور رییسلیک سرایینینگ بیرینچی اورین باسری جنرال عبدالرشید دوستم هم سوزگه چیقیش قیلیب ایتیشیچه، نوایی حضرتلرینینگ خلق ارا سمپوزیمی جمهورلیک سراییده بولیب اوتیشی تاریخی بیر حرکت بیلیب کتته یوتوقلیگینی تیلگه آلدی.
جناب دوستم بوگونکی سمپوزیمگه قرهتیب ایتیشیچه: «بیر زمانلر ارگ کوچه سیدن اوتیش امکانیتی بیرلمس ایدی، بوگون ایسه خلق ارا نام قازانگن شخصیتلریمیزدن امیرالکلام میر نظامالدین علیشیر نوایی نینگ توغیلگن کونینی ارگده نشانلیسیز، بوگون قدرینی بیلینگ، کمپاین دوریده بیرگن وعدهلریمگه حاضر هم توختهلگن من و شونینگدیک جمهور رییسگه بیرگن وعدهلریگه هم توختهتیشینی تیلگه آلدی.
سمپوزیمده قوشنی و منطقه مملکتلریدن علمی، سیاسی شخصیتلر و نوایی شناسلر اشتراک ایتگن ایدی.
ایتیش کیرهک بوندن 25 ییل آلدین داکترنجیبالله حکومدارلیک زمانیده هم نوایی حضرتلرینینگ خلق ارا سمپوزیمی بولیب اوتکزیلگن ایدی.
