بوگون «پنجشنبه» بامیان ولایتیده ایکینچیلیک و چارواچیلیک وزیری، آسیا ترقیات بانکی نمایندهسی، مجلس نمایندهلری، محلی رسمیلر و ایکینچیلیکلرنینگ اشتراکیده دنیا سیاحتچیلرینینگ دقتینی جلب ایتیش، مدنی میراثلرنی تانیشتیریش، ملی و دنیا بوییچه مناسب بازار تاپیش نیتیده «کچالو گُلی» بیرینچی فیستوال آچیلدی.
اوشبو فیستوال آچیلیش چاغیده بامیان حاکمی محمدطاهر زهیرنینگ ایتیشیچه، کچالوگه قوشیمچه افغانستان ایکینچیلرینینگ باشقه محصولاتیگه هم مناسب بازار یوق دیر و اولر ایکینچیلیک محصولاتی اینیقسه بامیان کچالوسینی تانیشتیریش و مناسب بازار تاپیش نیتده بو فیستوالنی یولگه قویگنلر.
اوشبو مراسمده نطق سوزلهگن مملکت ایکینچیلیک و چارواچیلیک وزیری اسدالله ضمیر، بامیان ولایتینی ایکینچیلیک نقطهی نظریدن مهم ولایتلردن بیری دیب ایتیشیچه، «کچالو گُلی، افغانستاننینگ اوشبو برکتلی محصولیگه نوید بخشلهیدی و کچالو گلی موسومی، بامیانلیک ایکینچیلرگه شادلیک و کولگو کیلتیرووچی دیر.»
اوشبو فیستوال «کچالو گُلی» نامیده ایکی کون بامیانده یولگه قوییلهدی و بو فیستوالنی آچیلیش مراسمیده تیاتر و محلی موسیقهلر هم اجرا ایتیلگن.
