بغلان ولایتینینگ سینماچیلری، فیلملرینی کورسهتیش اوچون دولتی ادارهلرگه سرگردان بولیب یورگنلر.
سلاموطندار بیلن صحبت اوتکزگن قطار بغلانیلیک سینماچیلرنینگ ایتیشیچه، اوشبو ولایتدهگی بیرینچی سینما نیچه ییل آلدین پلخمری شهردارلیگی تامانیدن بوزیلگن و حاضرگچه قیته قوریلیشی خصوصیده هیچ بیر ایش قیلینمهگن. اولر، بوتوغریده دولتنینگ دقتسیزلیگیدن تنقید قیلیب ایتیشیچه، حاضر فیلملرینی کورسهتیشگه بیللی بیر ییر یوق دیر.
اوشبو سینماچیلر، ینگی فیلملرینی بغلان ولایت مقامینینگ صالونیده کورگزمهگه قویگن، بیراق چقیریلگنلریدن کوپینچهسی امنیتی قیینچیلیک سبب بو برنامهگه اشتراک قیلمهگنلر.
بغلانده تیأتر و سینما قوریلمهلریدن بیرینینگ مسؤولی قدرتالله تگابینینگ ایتیشیچه، فیلملرینی کورگزمهگه قوییش اوچون کوپینچه قیین چیلیکلرنی کیچیریب و بیر فیلمنی کورگزمهگه قوییش اوچون دولتی ادارهلرنینگ صالونلریده زمینه یرهتگنلر.
شونینگدیک، بغلان سینماچیلریدن بیری فرهاد وحدتنینگ ایتیشیچه، هنری ییغینلر یولگه قوییلیشی و ینگی فیلملرینی کورگزمهگه قوییش اوچون مشخص صالون یوقلیگی سبب، اهالی سینما و فیلم کوریشگه علاقه کورستمهیدی.
.jpg)
اوشبو سینماچیلرنینگ کوپهیتیریشیچه، مملکت سینمالریگه حکومتنینگ دقتسیزلیگی باعث، سینمالرده چیت ایللیک فیلملر کورسهتیلهدی.
بغلان بیلیم یورتی اوقیتووچیلریدن بیرقطارینینگ ایتیشیچه، اجتماع سینماسیگه دقت قیلینمهگن صورتده، مدنیت کوچسیزلنیشی ممکن.
بغلان بیلیم یورتی اوقیتووچیسی سید محمد احمدینینگ ایتیشیچه، اوشبو ولایت سینماسی مدنیت و معلومات وزیرلیگی تامانیدن قیته قوریلمهگن صورتده، اونینگ ساحهسی زورهوانلر تامانیدن غصب ایتیلهدی.
بغلان ولایتینینگ مدنیت و معلومات ریاستی مسؤوللری، بو توغریده فکر بیلدیرمهگن.
بیراق، پلخمری شهرداری صفر محمد صفرنینگ ایتیشیچه، بغلان سینماسینینگ قیته قوریش ایشینی تدارکاتی باسقیچی دوام ایتماقده و بو باسقیچ یکونلنگنیدن کیین، مذکور سینما تورت قبتده قوریلیشی ممکن.
پلخمری شهرداری، نیچه ییل آلدین، بغلان سینماسینینگ بناسی عمومی یولده بولگنی سبب بوزگن ایدی، بیراق سینمانینگ ییری عمومی جادهگه قوشیلمهدی و حاضر بو ییر موترلرنینگ پارکینگی و میوه بازارگه اوزگرگن.
