غور ولایتی نینگ یشاووچیلری همده اخبارات و مدنیت ریاستی نینگ مسووللری، مذکور ولایت غوریلر امپراتورلیگی نینگ پایتختی بولگن حاضرگی تاریخی آبدهلر ایسه ولایت قدیمیلیگی اوچون یقال مثال دیگنلر. قوراللی طالبلردن تشقری افغان ملی کوچلری ایسه مذکور تاریخی آبدهلردن بیر قنچهسینی حربی قرارگاه توزهتگنلر دیدی ولایت اخبارات و مدنیت ریاستی نینگ مسووللری. بو مساله ولایتدهگی تاریخی آبدهلرنی یوق بولیشگه باعث بولگن لیگی ایتیلهدی.
سلاموطندارگه صحبت بیرگن اهالی سوزلرینی تصدیق ایتگن غور ولایت اخبارات و مدنیت ریاستی نینگ باشلیغی فخرالدین آریاپور، تاریخی آبدهلرنینگ کوپینچهسی نظارتلریدن تشقریده بولیب یوق بولیش یقاسیده تورگن دیدی.
آریاپور، دولت قوراللی مخالفلریدن علاوه ملی کوچلر هم تاریخی ییرلرده حربی قرارگاه قوریش بیلن قدیمی منطقهلرنی یوق قیلیشگه حصه قوشگنلر دیگن.
غور اخبارات و مدنیت باشلیغی، مساله توغریسیده نیچه مرته ولایت امنیتی و محلی رسمیلرینی جریانگه قویگن لیگینی بیلدیرگن. لیکن، تاریخی ییرلر حربی قرارگه قیلینمسلیگی اوچون رسمیلر هیچ اعتبار بیرمهگنلر دیگن او.
ولایت اخبارات ومدنیت ادارهسی باشلیغی بو ادعالرینی رد قیلگن غور پولیس قوماندانلیگی نینگ خوفسیزلیک آمری ضیاءالدین ثاقب، هیچ بیر تاریخی ییرده حربی قرارگاه قوریلمهگن دیگن.
ولایت اخبارات ومدنیت ریاستی نینگ مسووللری، 217 تاریخی آبده، 49 طبیعی ساحه و16دن کوپ تاریخی مکان ولایتده بارلیگینی معلوم قیلگنلر. شونینگدیک بو تاریخی منطقه و آبدهلر سیاحتچیلر اوچون ییریک اهمیتگه ایگه دیگن.
