اوشندهیکه بیلهسیز، انسان هر بیر یازووچی-شاعر اثرینی اوقیش جریانیده، اثر صاحبی کرکتری و قیلیقلرینی اوزیگه آلهدی.
مین ایسه هیچ بیر یازووچی-شاعر اثرینی اوقیب، رحمتلی ایرکین واحدوف نینگ اثرلری تأثریگه قالگنچه اوزیمنی یوقاتمهگن ایدیم. هر زمان شاعر شعرلرینی اوقیگنده بوتونلهی اوزیمنی یوقاتیب شعرلری تاثیریگه بیریلهمن.
هر بیر یازووچی- شاعرنی ایجادیاتی اوزیگه یرهشه عشقی- حماسی توس آلگن بولسه-ده، اوزبیکستانلیک قهرمان شاعر و ادب اربابی ایرکین واحدوف حضرتلرینینگ شعرلری جمعیت ارا علیحده و خاص اورینگه ایگه.
او ذات نینگ «اوزبیگیم» ناملی قصیدهسی افغانستان – اوزبیکستان قالهویرسه دنیا بویلب اوزبیکلر حیات کیچیرهدیگن منطقهلرده، ایرکین واحدوف نینگ حماسهسرا و قهرمان شاعر همده انسانلرگه روح بیرووچی، فکر و تورتکی منبعی اولهراق، شعرلری آدمنی ایچکی اوخلب یاتگن تویغولریگه جان بغیشلب، یورهکلرگه جوشقین توغدیرهدی دیب تانیدیلر.
اوشبو قصیده سابق شوری زمانیده (۳۵-۴۰ ییل آلدین) یازیلگن. بو قصیده یاشیگه تولمسدن، بلاغتگه ییتیب شاعرنینگ قهرمانانه روحلریگه اورلگن منگو تویغو، اوزبیکچیلیک و خلقیگه ینه – ده جان بغیشلاوچی کوچ دیب بیلهمیز.
ایل استادیم مین ایسم_طالب!
سوز درد لرین تیرماقدیر ایشیم.
آدملرنینگ اوزیدن آلیب،
آدملرگه بیرماقدیر ایشیم
شاعر، ایل اوچون نیمه قیلرینی انیق سیزیب جمعیت خدمتیده تورگن. شاعر طبیعی و خدا دادی استعدادی بیلن هر تامانلمه خلق و وطنسیورلیک حسیاتلرینی وجودیده اویغتگنلیگی یوقاریدهگی بَیتدن انیق سیزیلهدی.
اونینگ «قیلگه قلمنی اوتکزیب»، نازک خیاللیگی شعرلرینینگ بَیتمه- بَیت کوکدهگی قویاش دیک جرقیرهب تورگنلیگی درحال کورینهدی.
افغانستانلیک شعر مخلصلری ایرکین واحدوف نینگ شعرلرینی بیر بار اوقیگنده، اونینگ شعرلریدن کوپ نرسهلرنی تاپه دیلر و کتّه اوی- توشینچهگه ایگه بولهدیلر، دیسم خطا ایمس.
در واقع ایرکین واحدوفنی شعر خداسی دیسه خطا قیلمهگن بولهدی، آدم.
اونینگ شعرگه جان بیریشی خوددی خدا بندهلریگه روح بغیشلهگن دیک سیزیلهدی. واحدوف نینگ شعرلرینی اوقیاتگن حالده انسان اوزینی شاعر بیلن اده شتیریب، گویا واحدوف مین من دیگن حسیات بیلن مغرورلنهدی.
ایستهدیم سَیر ایلهماقنی
مین غزل بوستانیده،
کولمنگیز، نی بارسینگه دیب
میرعلیشیر یانیده.
اوتیمیشی پارلاق، مدنیت و تیل صاحبی ایکنلیگینی شو بَیتگه بیان قیلگن، شاعر.
دیمک، نوایی حضرتلرینینگ ادبیات دنیاسیده پارلاق سیما ایکنلیگی و اوزینی اوشبو ذات نسلیدن بولگنلیگینی فخر و افتخار بیلن تصدیقلهگن ایرکین واحدوف نینگ جسارتلی روحیگه حسنات دییش کیرهک.
سینگه شعرنی بیتسین ایرکین
ییرتیب آتماق اوز ایشینگ،
کسبی انکارلیک سینگهیو،
عیبده اقرارلیک مینگه.
بویوک ذات و حماسهسرا شاعر یوقاریدهگی اعترافلی شعریده قنچهلیک ساده و روان مخاطبینی قانیقتیرهدی و یورهگینی و شعر خوانلر مومدیک ییزهدی. بونقه صمیمی شعرلرینی اوقیگن هرکیم هم بولسه اوزینی بای بیریشیگه شبهه یوق.
گُل بویلرینی باغدن
کیلتیرگن ای شباده،
دلدارگه نامه یازدیم،
ییتکور اونی هواده.
رحمتلی شاعرنینگ روحیگه اوکیشی حقیده یازیلگن هر بیر اثر باغدن شباده واسطهسی بیلن کیلتیریلگن گل بویلری بولسین. روحلری تینچ و خاطرهلری بردوام قالیشینی طلب قیلگن حالده، ایکّی تامان اوزبیکلریدن اوشبو قهرمان و
تکرار بولمهیدیگن سیمانینگ ییللیک ایسلتمه سیمینارلر و ییغین آلیشلرینی آرزو قیلهمن.
جادو کوزلر بندی یالغیز-
سین ایمس، توتقون یورهک،
اوّل-آخر کهنه میراث
عشق دیگن تویغوده عیب.
روحلری یار و یوللری بردوام بولسین
