مملکت تیاترینینگ مسووللری، «زینب سینما»سی آتیده عیاللرگه خاص بیرینچی سینما قیتهدن قوریلیشی دن خبر بیرگنلر.
بوگون "یکشنبه" تیاتر مسووللری و اجراییه ریاستینینگ هنری و فرهنگی بولیمینینگ کابلده بیر خبری ییغین آرقهلی ایتیشیچه، اوشبو سینما و شونینگدیک کابل و هرات تیاترینینگ قیتهدن قوریلیشی ممکن.
اجراییه ریاستینی هنری و فرهنگی بولیمی باشلیغی فقیراحمد میوندنینگ ایتیشیچه، عیاللر اوچون بیرینچی خاص سینما نیچه ییل آلدین تخریب ایتیلگن، بیراق مالیه وزیرلیگی مذکور سینمانی قیتهدن قوریشیدن وعده بیرگن.
اونینگ ایتیشیچه، مالیه وزیرلیگی زینتب سینماسینی قیتهدن قوریش چکهسیده، کابل و هرات تیاترینینگ قیتهدن قوریش اوچون بیرینچی مرته 15 میلیون افغانی اجرهتگن بیرگن.
اجراییه ریاستینی هنری و فرهنگی بولیمی باشلیغی گه کوره، مذکور بودجه کابل و هرات تیاترینینگ سالونینی قوریش اوچون صرفلنهدی و اوشبو ایکی تیاتر نینگ بناسینی قوریش مسوولیتی بلدیه ادارهسی و معلومات و مدنیت وزیرلیگی بوینیگه دیر.
شو توغریده…
کابل تیاتری باشلیغی سیدمنصور رحمانینینگ ایتیشیچه، حاضرده تیاتر صنعتچیلریگه تمرین قیلیش اوچون بیللی بیر جای یوق دیر.
جناب رحمانیگه کوره، اختیارلریگه بولگن کم امکانیت بیلن اوتگن 3 ییل جریانیده کمیده 60 تیاتر نمایشینی انجام بیرگنلر.
عینحالده، مخابرات وزیرلیگینینگ مالی اورین باسری هادی هدایتینینگ اوشبو ییغینده ایتیشیچه، عامه کتابخانهنینگ الکترونیکی ایتیلیشی ممکن.
اونینگ ایتیشیچه، عامه کتابخانه الکترونیکی ایتیلیشی بیلن نابود بولیش خطردن چیقهدی و الکترونیکی شکلده بوتون کتابخانهلر اختیاریگه قوییلهدی.
