قدیم زمانلردن تا هنوزگچه ییتیب کیلگن بو نان رمزی معنالرنی هم انگلهتیب عزیز مهمان و توی دسترخوانلرینینگ کورکی حسابلنهدیگن.
دسترخوانده پتر بولسه مهماندارچیلیک اوچون مخصوص تیارگرلیک کوریلگنینی انگلتگن. اونی کته قیلیب یسب، یاپیلیشی کوپچیلیک تامانیدن استعمال ایتیلیشگه مول جللنگنینی بیلدیرهدی.
نکاح تویلر آلدیدن کیاو تامانیدن قودهلر البته پتیر یاپیب کیلگنلر. دسترخوانده پتیر اوشهتیلیشی، قیز تامانینینگ تویگه راضیلیک علامتینی بیلدیرگن. ایلیق سوتده خمیر توریش و توزنی ایرتیب، داغلب ساووتیلگن قوی یاغیی یاکه سریاغ قوشیب یخشیلب ارهلشتیرهسیز.
سونگره آز – آزدن اون سالیب قتیق خمیر قاریسی، اوزاق مددت مُشتلب پیشیتگنیگیزدن سونگ اورهب ایسیقرارق جایده آچیگونچه قالدیرهسیز. کوپینگه خمیردن 500 گراملی بولکلر اوزیب آلیب، زوالهلر یسهلهدی. هر بیر زوالهنی تخته اوستیگه قوییب بیر یانیدن چپ قول بیلن اوزینگیزگه قرهتیب باریب ایلنتیریب، اونگ قول قیرغاغینی پیچاق بیلن تیلیب کونگوره سالهسیز، تیپهسینی هم کیسیشمه چیزیقلی قیلیب تیلیب چیقهسیز.
انه شوندهی قیلیب تیارلنگن زوالهلرنینگ تیپهسیدن مُشت بیلن ایزیب، سونگ برماقلرنی چققان ایشلهتیب لنگن کتهلیگیده نان یهسیسیز. ناننینگ چیتلری 4 – 4 سانتی متر قلینلیکده، اورتهسیده ایسه 1 سانتی متر کیله دیگن بولسین.
اورتهسیگه جوده زیچ قیلیب چیچک اورهسیز و یوزیگه سیهدانه سیپهسیز. همه زوالهلردن پتیر یسب بولگچ، یوزیگه دسترخوان یاپیب 15- 20 دقیقه تیندیریب قویهسیز.
شو مددت ایچیده تندیرگه اوت قوییب قیزیگچ، چوغینی اورتهگه توپلب، اوستیگه کول تارتهسیز، تندیر دیوارلریگه و پتیرنینگ تیسکری تامانینی سوولب، چققانلیک بیلن یاپیشتیرهسیز. پیتر تندیرده آبی نانگه قرهگنده اوزاقراق اوشلنهدی.
یاپیلگن ناننینگ سیرتی بیر آز قاتگنده بوغ حاصل بولیشی اوچون سوو سیوهلیسیز و چوغنینگ یوزینی آچهسیز، بعضن تندیرنینگ قپقاغینی بیر از مددت بیرکیتیب دملنهدی.
پیشگنلیگی سیرتی قیزرگنیدن انیق لنهدی. تندیردن اوزیب آلگچ ایسیغیده یوزیگه بیر بولک ایریتیلگن دُمبه یاغی سورتسنگیز چیرایلی چیقهدی.
اوزبیک عایلهسیده انه شوندهی قیلیب توی، بیرهم و مخصوص کونلرده پتیر تیارلنهدی.
