افغانستانده یوز بیریب کیلگن 4 دههلیک اوروش یشاوچیلرنی کوپینچه نرسهلردن محروم قالدیرگن. بو آرهده بالهلر باشقهلردن کوره کوپراق زیان کورگنلر.
افغانستان بالهلری ساغلیک خذمتلری، ییگولیک آذیق-آوقت و تعلیمی قَیناقلرگه قول تاپیش نقطهی نظردن دنیاده اینگ محروم بالهلر سنلهدی؛ بیراق حاضر کابلدهگی انتشاراتلردن بیرقطاری، تعلیمی قیناقلر توغریسیده بالهلرنینگ نیازلریدن بیر بولیمی گه جواب بیریش اوچون قرار قیلگنلر.
کابلدهگی انتشاراتلردن بیرینینگ مدیر مسؤولی سهراب عمر، 8 ییلدن بویان باشقه کتابلرنی یانیده بالهلرگه تیگیشلی کتابلرنی ترقهتیب کیلماقده.
عمرنینگ ایتیشیچه، بالهلر اوچون درسی قیناق کملیگی تعلیمات بولیمیده کته بوشلیک ایجاد قیلگن و اولرنینگ انتشاراتلری بو بوشلیکنی بیر آز تولدیریش اوچون سعی و حرکت قیلهدی.
اونگه کوره، اولر بالهلر اوچون بولگن 50 جلد دن آرتیق کتابنی ترکیهلیک بیر قوریلمه یاردمی بیلن ترقهتگن. عمرگه کوره، بو کتابلر ترقهتیلیشی بالهلر و عایلهلری تامانیدن ییترلیچه خوش قرشیلنگن.
عمرنینگ کوپهیتیریشیچه، اولر ینگیلیککه بالهلر اوچون بولگن 15 جلد حکایه کتابینی ترقتگنلر و تیزلیککه ملا نصرالدین حکایهلرینی هم ترقتهدیلر.
خصوصی مکتبلردن بیرینینگ اوقیتووچیسی و صنف اصولینی کوزهتووچی محمدرازق دانشورنینگ ایتیشیچه، مملکت بالهلری اوچون تعلیمی قیناقلر، اسکونهلر و تفریحی ییرلر جوده آز دیر و موجود بولگن قیناقلردن کوپینچهسی باشقه مملکتلرنینگ قیناقلریدن کاپی قیلینگن و کوپینچه موضوعلرده افغانستان مدنیتی گه قرشی دیر.
دانشورگه کوره، اوشبو بوشلیکنی تولدیریش اوچون قوریلمهلر، خصوصی و دولتی انتشاراتلر آز بودجه اجرهتیب و بو توغریده یخشی ایشلرنی قیله آلهدیلر.
بو توغریده مدنیت و معلومات و معارف وزیرلیکلرینینگ فکرلرینی اورگنماق اوچون علاقه قوردیک؛ بیراق کیین مه کیین سعی و حرکتلر نتیجهسیده مؤفق بولمهدیک.
شوندهی بیرحالده، مدنیت و معلومات و معارف وزیرلیکلری بالهلر اوچون کتاب ترقهتیش خصوصیده، نیچه مرته سوز بیرگنلر؛ بیراق حاضرگچه مذکور ایکی وزیرلیک تامانیدن هیچ بیر ایش قیلینمهگن.
