.jpg)
بامیان افغانستاننینگ تاریخی ولایت لریدن بیر بولیب ییلده یوزلرچه ایچکی و چیتایللیک سیاحتچیلر، سیاحت اوچون اوشبو ولایتکه بارهدی؛ بیراق سیاحتچیلیک فرهنگی خصوصیده معلومات بولمهگنی خواطرلنتروچی بولگن موضوع لردن دیر.
بامیان یشاوچیلری و محلی رسمیلرینینگ ایتیشیچه، سیاحتچیلردن قطارینینگ سیاحتچیلیک فرهنگی توغریسیده معلوماتی یوق و گاهگاهی تاریخی و باستانی بنالرگه زیان یتیشتیرهدیلر. اولرگه کوره، طبیعی واقعهلر و ناتوغری سیاحت، تاریخی بنالرگه زیان یتیشتیرهدی.
سیاحتچیلردن قطاری، سیاحت جریانیده بودا دیوارلریگه یادگار یازیب، اخلتلرنی او ییرلرده تشلهب و ممنوع بولگن مکانلردن اوتیب قیتیش بیلن تاریخی بنالرگه زیان یتیشتیرهدیلر.
سیاحتچیلردن بیری عزیزه اکبریاننینگ ایتیشیچه، سیاحتچیلرگه معلومات بیریش اوچون بنالر اطرافیده تابلو نصب قیلیش کیرهک. اونینگ ایتیشیچه، بو توغریده دقت بولمهگن صورتده کیلسی نیچه ییل جریانیده بودا و باشقه تاریخی بنالرنینگ نابود ایتیلیشی ممکن.
.jpg)
معلومات و مدنیت ریاستی رسمیلرینینگ ایتیشیچه، مملکت معلومت و مدنیت وزیرلیگینینگ بامیان تاریخی بنالریدن حفاظت ایتیش اوچون بیللی بودجه و لایحهسی یوق. اولرنینگ ایتیشیچه، بامیان تاریخی منطقهلرینینگ درآمدلری مرکزگه انتقال بیریلهدی اوشبو ولایت معلومات و مدنیت اداره سیگه هزینه قیلیش اوچون اجازه سی یوق.
بامیان ولایتی معلومات و مدنیت اداره سرپرستی سیداحمد حسین احمدپورنینگ ایتیشیچه، تاریخی ساحهلرده سیاحتچیلرگه معلومات بیریش و قورقچی یوق دیر. جناب احمدپورگه کوره، بامیان معلومات و مدنیت ادارهسی، ولایت مقامی، بیلم یورت و فرهنگیلر حمایتی آرقهلی سیاحتچیلیک مدیریتی اوچون 45 مادهلیک بیر طرحنی قوریش قرارینی آلگن.
بامیان، افغانستاننینگ تاریخی و تینج ولایتلریدن دیر و اخیرگی ییللرده ایچکی و چیتایللیک سیاحتچیلر، سیاحت اوچون اوشبو ولایتده بارهدیلر. بامیان ولایتینینگ کوپینچه تاریخی آثارلری جملهدن بودا مجسمهلری، غلغله شهری، ضحاک شهری، قلعه کافری، قول اکرم درهسینینگ مغارهلری و غمی قلعه مغارهلری دنیا فرهنگی میراثی رویخطی گه ثبت ایتیلگن.
