آلمان مملکتی نینگ برلین بیلیم یورتینی روانشناسلیک اوقووچیسی ساعتلرچه یول یوریب پروان ولایتیده قیشلاقی قیزلر اوچون کتابخانه توزهتیش گه قصد قیلگن.
حمیرا عدیل شخصی پولیدن پروان ولایتی نینگ سالنگ منطقهسیده بیر تپهده «حبیبه» آتلی کتابخانه قورگن و تیزلیککه باشقه ایکی کتابخانه قوریش گه قصد قیلگن. حبیبه کتابخانهسیده حاضرگچه کمیده بیر مینگ جلد جایلشتیریلگن.
حمیرانینگ ایتیشیچه، محرومیت، مکتب کملیگی و سالنگ قیزلری بیلن عیاللری اورگهتیش و تربیهلش قیزیققنلری باعث، بو کتابخانه نی قوریش گه قول اورگن.
مذکور کتابخانهده تأریخ، سیاست، روانشناسلیک، شعر و حکایه بولیملریده بالهلر و اوسمیرلرگه خاص کتابلر تاپیلهدی.
حمیرا عدیل نینگ ایتیشیچه، بیرینچی کتابخانه سالنگ تومنی نینگ «نوبره» قیشلاغیده فعال بولگن و شونینگدیک، باشقه ایکی کتابخانه مذکور تومن نینگ «لتروزم» و «آبدک» قیشلاقلریده فعال ایتیلهدی. اوشبو یاش عیال نینگ ایتیشیچه، سالنگ تومنی نینگ یالغیز ایکی مکتبی بار و بو موضوع هم اوقووچی بالهلرگه قیینچیلیک یرهتگن.
خانم عدیل نینگ ایتیشیچه، بو کتابخانهلرنی اوقووچیلر اینیقسه قیزلر اورگهتیش و تربیهلشدن محروم قالگن قیشلاقلرده توزهتهدی.
اوشبو کتابخانه نینگ توزهتیش هزینهسی، کتابلردن کوپ قطارینی توپلش و باشقه هزینهلر حمیرا عدیل نینگ شخصی بودجهسیدن توللنگن.
سالنگ یشاوچیلریدن بیری زبیده 6- صنف گچه درس اوقیگن و اوندن سونگ، عایلهوی قیینچیلیکلر باعث، درس اوقیشگه دوام بیره آلمهگن. اونینگ ایتیشیچه، حاضرده علاقهسی بولگن هرقندهی کتابنی مذکور کتابخانه دن قولگه کیریتیب اوقیدی.
مکتب اوقووچیلردن ایکی تهسی عبدالواحد و تمنا نینگ ایتیشیچه، سالنگ تومنیده کتابخانه قوریلیش اولرنینگ اساسی آرزولریدن بیری ایدی و حاضرده اوشبو آرزولری عملگه آشیریلگن.
بوندن آلدین بیرمکتب نینگ ملازمی بدخشان ولایتی نینگ کشم تومنیده درس اوقیش ایکی صنفنی شخصی بودجهسیدن قورگن ایدی.
