افغانستاننینگ تانیقلی یازوچیسی محمد اکرم عثمان 79 یاشیده سوید مملکتیده عالمدن کوز یومدی.
اکرم عثمان، قویاش 1316- ییل هرات ولایتیده دنیاگه کیلدی و دکتوراسینی حقوق و سیاسی بیلیملر بولیمیده تهران بیلیم یورتیدن قولگه کیریتدی.
دکتور محمد اکرم عثماننینگ یازگن داستانلری، افغانستان شهرلری ، کوچه و بازارلریدن روایت قیلهدیگن حیات حکایهسی دیر. او، اوز قهرمانلرینی یرهتیش اوچون بو مملکتده حیات کیچرگن تانیقلی، اجتماعی و سیاسی شخصیتلر حیاتیدن الهام آلگن.
جناب عثمان، ییللر بوییچه ملی رادیو- تلویزیونیده نطاق و یازوچی صفتیده ایشلب و انچه مدت افغانستان بیلیملر اکادمیهسی حقوق و تاریخ انستیتوتی مسؤولی بولیب ایشلهدی.
دکتور اکرم عثمان، تاجیکستان باشکینتی دوشنبه شهریده افغانستان قنسولی و تهرانده افغانستان ایلچیسی صفتیده ایش قیلگن.
او، 1992- ییلده افغانستاندهگی ایچکی اوروشلر اوج آلگنی باعث، سوید مملکتی کیتدی.
مملکتنینگ اوشبو تانیقلی یازوچیسی، اروپاده هم ادبی و مدنی فعالیتلریگه دوام بیریب اوزیدن نیچه رمان و تاریخی اثرلر قالدیرگن.
