افغانستانلیک قطار یازووچی همده فرهنگیلر بوگون (پنجشنبه) کابلده قیسقه داستان خلق ارا کونینی نشانلهدیلر.
14-فبروری "ترکیه قلم انجمنی" تامانیدن خلق ارا قیسقه داستان کونی دیب نام بیریلگن و بوکوندن هر ییلی دنیانینگ بعضی مملکتلریده نشانلهدی.
افغانستانده قیسقه داستان یازیش وضعیتی توغریسیده خواطر بیلدیرگن شاعر و یازووچی یاسین نگاه گه کوره، افغانستانلیک داستان یازووچیلرنینگ کته قسمی کتاب اوقیمیدی و انه شو سبب ایسه مملکتده داستان یازیش ادبیاتی رواجلنمهگن.
جناب نگاه، افغانستانلیک یازووچیلر ادبیاتنی ادبی انجمنلر ینه فرهنگی تورمهلردن چیقاریب اونی اهالی و اجتماعگه نسبتاَ معلوم قیلیشلری کیرهک دیگن. اونینگ سوزلریگه کوره، بوگونکه یازووچیلر "رستم داستان" یرهته آلمیدی" اما ادبیاتنی اجتماعگه تارتیش بیلن «مسوول اهالی" خلق قیلیش لازم.
نگاه، اخیرگی ایکّی ییلده داستان یازووچیلر مملکتنی تَرک قیلگن لیکلرینی بیلدیرگن و بو موضوع ایسه مملکتده داستان یازیش آقیمیگه زیان ییتکیزگن. اونگه کوره، افغانستانده داستان یازیش اورنی کون – ساین بوش بولهدی.
داستان یازووچی فتانه حسنزاده، بوندهی ادبی دورهلر اوتکزیلیشی داستان ادبیاتی رواجلهنیشی اوچون منفعتدن بوش ایمس دیگن.
خانم حسنزادهگه کوره، داستان یازیشگه عاید کتاب یوقلیگی و تخصصی نقد قیله دیگنلر بولمهگنی مملکتده داستان یازیش اونچهلیک رواجلنمهگن لیگیگه باعث بولگن دیگن. حال بوکه مملکتده شعرگه کوپراق اعتبار بیریلهدی حتی مکتبده شعرنینگ قافیه، ردیف و وزنی بارهسیده اوقووچیلرگه تعلیم بیریلهدی.
افغانستانده داستان یازیش تاریخی «جهاد اکبر" قویاش 1300 ییلگه باریب تقیلهدی. معارف مجلهسیده باسیله دیگن مذکور داستان کیم تامانیدن یازیلیشی هنوزگچه هم معلوم بولمهگن.
