دایکندی ولایتی نینگ مرکزی نیلی ده اوشبو ولایت و بامیان و غزنی ولایتلری نینگ یشاوچیلریدن یوزلرچهسینی اشتراکیده اوچینچی بادام گُلی صنعتی و مدنی فیستوالی یولگه قوییلدی.
دایکندی ولایتیده مدنیت و معلومات ریاستی باشلیغی محمدحسین سیرت نینگ ایتیشیچه، بادام گُلی صنعتی و مدنی فیستوالی یولگه قوییلیشی دن مقصد مدنی بارلیکلرنی تانیشتیریش، ایکینچیلیک محصولاتی جملهدن بادام گه بازار تاپیش و سیاحتچیلرنی جلب قیلیش دیر.
سلاموطندارگه صحبت بیرگن دایکندی ولایت کینگشی اعضاسی سهراب علی اعتمادی نینگ ایتیشیچه، دایکندی ده اوچ ییل دن بویان بادام گُلی صنعتی و مدنی فیستوالی یولگه قوییلهدی، بیراق ایکینچیلیک محصولاتی جملهدن بادام بستهبندلیگی و بازاری گه هیچ قندهی یاردم بیرمهگن.
بادام گُلی صنعتی و مدنی فیستوالی یولگه قوییلگنینی خوش قرشیلگن اشتراکچیلرنینگ ایتیشیچه، بوندهی فیستواللر تینچلیک و بیردملیک خصوصیده پیام بیرهدی و شونینگدیک، صنعتچیلر و مدنیتچیلر آلقیشلنیشی، سیاحتچیلر جلب ایتیلیشی و ایکینچیلیک محصولاتلری اوچون بازار تاپیلیشی گه سبب بولهدی.
بادام دایکندی ولایتی نینگ اساسی ایکینچیلیک محصولاتی دیر. مذکور ولایت نینگ محلی مسؤوللریگه کوره، دایکندی بادامی نی محصولی ییل ده 25 مینگ متریک تُن دن کوپراق بولهدی و جاری ییل ده اوشبو ولایت بادام عرب بیرلیگی اماراتی گه صادر قیلینیشی توغریسیده قرار قیلینگن.
شو توغریده…
پروان ده ارغوان گلی نینگ 7- فیستوالی یولگه قوییلدی
