تاریخ و باستان شناسلیک توغریسیدهگی مدنی و تحقیقاتچی فعاللریدن بیرقطاری، تاریخی بنالر اینقسه بامیان ولایتینینگ کاروانسرایلرینی یمان وضعیتیدن خواطر بیلدیریب ایتیشیچه، حکومت ملی و خلقارا بویچه کاروانسرایلر و تاریخی و فرهنگی ییرلرنی اهمیتیگه قرهمی اولرنی قوریش و قیتهقوریشی توغرسیده هیچبیر ایش قیلمهگن.
باستان شناسلیک و تاریخ توغرسی دهگی تحقیقاتچی لرنینگ ایتیشیچه، 5 کاروانسرای، 6 کپریک، کالو، آق رباط، غندک درهسی، سچک و اخضرات تاریخی آبیدهلرنی حاضرگهقدر اثری قالگن و دولت بو کاروانسرایلرنی قوریب و قیتهقوریب بامیان سیاحتچی لرنینگ کوپیتیره آلهدی.
اوشبو باستان شناس لرنینگ ایتیشیچه، مذکور کاروانسرایلر ایکینچی میلادی عصرده ییپک قتناو یولیده قوریلگن و بامیاندن اوتهدیگن یولاوچیلر کیچه نی اوشبو کاروانسرایلرگه اوتکزهدیایکن.
کاروانسرایلرنینگ مدنی و تاریخی اهمیتی باعث، مذکور ولایتنینگ مدنی فعاللری مدنیت و معلومات وزیرلیگیدن کپراغ تنقید قیلهدیلر. چونکه مذکور وزیرلیک بامیان ولایتینینگ تاریخی منطقهلری و آبیدهلرینی اینقسه کاروانسرایلرنی قوریش و قیتهقوریش توغریسیده هیچ قندی برنامه قولگه آلمهگن.
فرهنگی فعاللردن بیرقطاری، بیرلشگن ملت لرتشکیلاتینینگ علمی و فرهنگی سازمانی(یونسکو) دن کمیده بامیان کاروانسرایلریدن بیرتهسینی ییپک قتناو یولی و اوشبو یولدن اوتهدیگن کاروانلردن یادلش اوچون قیتهدن قوریش نی ایستهدیلر.
بیراق بامیان ولایتینینگ اخباراتو مدنیت ریاستی رسمیلرینینگ ایتیشیچه، کاروانسرایلرنی قیتهدن توزهتیش و حمایه ایتیش اوشبو اداره صلاحیت و کوچیدن تشقهری دیر و مرکزی حکومت اوشبو قینچیلیکلرنی حل قیلیش اوچون بودیجه نظرگه توتمهگن.
بامیان اخباراتو مدنیت ریاستینینگ فرهنگی میراثلرنی خذمت و پروریش مسوولی عبدالحمید جلیانینگ ایتیشیچه، کاروانسرایلر وضعیتی کون اوتیش بیلن یمان بولیب بارماقده و کاروانسرایلر بیناسی تخریب بولماقده دیر.
اوشبو بو ییرنی قطار تاریخی آبیدهلری جمله دن بودا هیکللری، غلغله شهری، ضحاک شهری، الف و ب کافری قلعهسی، قول اکرم درهسینینگ مغارهلری و غمی قلعهسینینگ مغارهلری دنیا مدنی میراثینینگ رویخطکه ثبت ایتیلگن؛ بیراق کاروانسرایلر بو رویخط دن قالگن. چونکه نه فقط حکومت بلکیم خلقارا نهادلری اولرنی رسمیت گه تانیمهگن.
