نامنینی فاش ایتیلمسلیک شرطی بیلن سلاموطندارگه صحبت بیرگن اخبارات و مدنیت وزیرلیگی نینگ مُعیین بیر منبعی نینگ معلوم قیلیشچه، اخبارات و مدنیت وزیرلیگی نینگ سابق وزیری عبدلباری جهانی، وزیرلیک نینگ عملدهگی سرپرستی کمال ساداتنی وزیرلیک نینگ حاکمی دیگن. جناب سادات نینگ سرپرستلیگیدن چمهسی تورت آی اوتماقده.
اخبارات و مدنیت وزیرلیگی نینگ یاشلر ایشلری بوییچه اورین باسری کمال سادات، سلاموطندارگه بیرگن مصاحبهده وزیرلیکدن چیتلنگن عبدلباری جهانی نینگ بویروغی اساسیده اوشبو وزیرلیک نینگ سرپرستی تعیین بولگنلیگینی تصدیق ایتگن. لیکن او سرپرستلیگی قانونی باسقیچنی اوتکزگن لیگینی تیلگه آلگن.
اخبارات و مدنیت وزیرلیگی نینگ سابق وزیری عبدالباری جهانی جاری ییل عقرب آییده ساغلیق وضعیتی یخشی ایمسلیگی باعث بو لوازمدن استعفا بیردی.
جناب جهانی استعفا بیرگندن کیین، مذکور وزیرلیک نینگ یاشلر ایشلری بوییچه معاونی جناب سادات اخبارات و مدنیت وزیرلیگی نینگ سرپرستی بولدی.
سرپرستلیک قانونیگه موافق، سرپرستلیک حکمی جمهور رییس تامانیدن صادر بولیشی کیره ک، لیکن، جناب سادات نینگ سرپرست بولیشی اوچون هیچ قندهی قانونی بیر حکم موجود ایمس. شونینگدیک جناب سادات، مذکور وزیرلیک نینگ نمایندهسی صفتیده وزیرلر کینگشی همده باشقه ییغینلرده بو وزیرلیک آدرسیدن اشتراک قیلهدی.
جمهور رییس سوزلاووچیسی نینگ اورین باسری بو توغریده فکر بیلدیریشنی رد قیلدی.
افغانستان اخبارات و مدنیت وزیرلیگی سرپرستی نینگ سونگی تورت آی ایچیده قیلگن ایشی دایم مملکت فرهنگی شخصیتلری تامانیدن تنقید آستیگه آلینگن.
