.jpg)
دین عالمی و یازووچی عبدالغفور پیروز نا معلوم قوراللی شخصلر طرفیدن آتیب اولدیریلدی. قندهار ولایتی نینگ محلی مسووللری، جناب پیروز بوگون ایرتلب قندهار شهریده موترسایکلده بولگن ناتانیش کیشیلر آرقهلی اولدیریلگن دیدیلر.
قندهار ولایتی والیسینینگ سوزلاووچیسی صمیم خپلواک نینگ سلاموطندارگه ایتیشیچه، مذکور یازووچی همده دین عالمی ولایت والیسی نینگ مطبوعات مصلحتچیسی صفتیده هم وظیفه بجرردی دیگن.
ولایت نینگ قطار مدنی فعاللری عبدالغفور پیروز مملکتدهگی ترورچی گروهلرگه تیگیشلی شخصلر تامانیدن آتیب اولدیریلگن بولیشی ممکن دیدیلر.
.jpg)
جناب پیروزنینگ یقین دوستلریدن همده یازووچی نثاراحمد صالح، مذکور دین عالم یازوولریده دایم طالبلرنی جدی تنقید آستیگه آلیب کیلگن ایدی دیدی.
بیلیم یورت استادی همده مدنی فعال عبدالواسع هثیالگه کوره، پیروز مملکتده ترورچیلیکنی رواجلنتیریشگه حرکت قیلهدیگن شخصلرگه ضد مبارزه قیلیدی دیگن. پیروز نینگ دین عالم لیگی همده کوچلی یازووچی بولگن لیگینی هیچ بیر زمان جنگری طالبان چیده آلمس ایدی دیگن بو استاد.
اونلب مقاله نینگ مولفی جناب عبدالغفور پیروز چمهسی 50 کتابنی یازیب یا – ده باشقه تیللردن اوگیرگن.
