بوگون «دوشنبه» خلق ارا سواد اورگهنیش کونیدن نشانلش مراسمده معارف وزیرلیگینینگ سواد اورگهنیش اورین باسری سردارمحمد رحیمینینگ ایتیشیچه، مملکت یشاوچیلریدن کوپینچهسی سواد نعمتیدن محروم قالگن؛ شو یوزهدن بوندهی بیر جماعهده میدیالرنینگ رولی اونملی دیر.
عین حالده، جناب رحیمینینگ ادعا قیلیشیچه، مملکت میدیالری تخنیک بولیمیده یخشی عمل قیلهدی، بیراق معلومات ییتکزیشده کوچسیز بولگن و بونگه قوشیمچه، اولردن بیرقطاری، ملی منفعتگه قرشی و زیانلی گزارشلرنی ترقهتیشده سعی و حرکت قیلهدیلر. جناب رحیمی، اوشبو موضوع دلیلینی میدیالرنینگ سوادسیزلیگی و خاص گروه و کیشیلرگه باغلیقلیگی دیب بیلهدی.
باشقه تاماندن، افغانستان میدیالریدن حمایت قیلووچی تشکیلات (نی) برنامهلرینی مسؤولی نوید محمدی، اوتگن 15 ییل جریانیده سواد اورگهنیش خصوصیده، میدیالرنینگ رولینی اونملی دیب و میدیالرگه قرشی معارف وزیرلیگینینگ سونگی حرکتینی ناتوغری دیدی.
جناب محمدی گه کوره، معارف وزیرلیگی نیچه پیت آلدین بو وزارت بوتون ادراهلریگه مکتوب یوباریب و اوشبو مکتوب اساسیگه مدیالرگه معلومات بیریش خصوصیده معارف باشلیغلریدن باشقه هیچکیمنینگ حقی یوق.
محمدینینگ ایتیشیچه، معارف وزیرلیگینینگ بو مکتوبی افغانستان اساسی قانونی و معلوماتلرگه قال تاپیش قانونیگه قرشی دیر؛ انهشوسبب اولر نیچه مرته معارف وزیرلیگی دن اوشبو مکتوب خصوصیده دقت قیلیشینی سورهگنلر.
معارف وزیرلیگینینگ سواد اورگهنیش اورین باسری، مذکور مکتوب خصوصیده معلوماتی بولمینی بیلدیرهدی. بیراق اونینگ ایتیشیچه، ولایتلرده معلوماتلرنینگ معارف باشلیغلری تامانیدن مدیالر اختیاریگه قویلیشی کیرهک.
مملکت 60 فایز یشاوچیلرینینگ سوادی بولمهگن بیر چاغده خلقارا سواد اورگهنیش کونیدن افغانستانده نشانلهندی.
