.png)
د فوربز اقتصادي مجله هر کال د خلاقو او کارزېږو ځوانانو نوملړ خپروي چې په اسیا کې به په راتلونکي کې رهبران وي.
دا نوملړ د ۲۳ سیمهییزو او اسیايي هېوادونو نه د ۳۰۰ په شاوخوا د کارزېږو او بسنټګرانو ځوانانو وي چې عمرونه یې له ۳۰ کلونو ټیټ وي.
سږکال پهدې نوملړ کې د ۳ افغان نجونو نومونه هم راغلي چې د عادي خلکو د ژوند د بدلولو هڅه کوي.
.jpg)
۲۹کلنه شبانه بسیج راسخ، د افغانستان د رهبرۍ بنسټ بنسټګره
شبانه یو انساندوسته ځوانه رهبره ده چې د افغانستان رهبرۍ په نامه د یو غیرانتفاعي ښوونځي بنسټ یې اېښی دی. دا ښوونځی نجونو ته د زدهکړې زمینه برابروي. اغلې راسخ سږکال د فوربز مجلې له ۳۰کلونو نه په کمعمرو کارزېږوونکیو کې راغلې ده.
سوله (د افغانستان د رهبرۍ ښوونځی) لومړی بنسټ دی چې نجونو ته یې لیلیه او د ژوند نور امکانات برابر کړيدي. هغه د نجونو د زدهکړو نړۍوال کمپاین سفیره، د تدیکس ویانده، په ۲۰۱۴ کال کې د نشنل جیوګرافیک مجلې لرغونپوهه او په ۲۰۱۴کال کې د سي. اېن. اېن انټرنشنل له لوري د ښځینه رهبرانو په ډله کې وپېژندل شوه.
.jpg)
۲۷کلنه فرشته کریم د چارمغز(په مینيبس کې د انټرنټي کتابخانې) بنسټګره
هغه د افغانستان تر ټولو محرومو ماشومانو ته کتابونه راوړي او نور زدهکړهییز مواد ورته برابروي.
فرشته په اکسفورډ کې له لوړو زدهکړو وروسته افغانستان ته راستنه شوه او د چارمغز بنسټ یې کېښود چې له هغه نه د انسان د مغز یا د چهارمغز مېوې معنا ورنه اخېستلی شو.
د افغانستان په جنګځپلي هېواد کې چې ډېر کم خلک یې زدهکړو ته لاسرسی لري؛ مینيبس په منظم ډول په کابل ښار کې ګرځي راګرځي او د علم رڼا هغو ماشومانو ته رسوي چې جنګ، تیارو، بېوزلۍ، بېثباتۍ او فساد یې ژوند ځپلی وي.
.jpg)
۲۶کلنه تمنا عاصي، د افغانستان د عدلي علومو او خدماتو بنسټ د پروګرامونو مدیره
اغلې تمنا ډاکټره ده او د افغانستان د عدلي علومو او خدماتو بنسټ د پروګرامونو مدیره ده.
هغې له ۲۰۱۶کال راهیسې په افغانستان کې د بکارت معاینې د غیرعلمي او غیراخلاقي کار پر وړاندې کمپاین پيل کړ.
اغلې عاصي د عمومي سطحې د لوړاوي او د قربانیانو د ساتنې په برخه کې څېړنې وکړې او ډېر مدافع وکیلان یې وځورول.
د تمنا ډلهییز کارونه د دې سبب شول چې په ۲۰۱۷کال کې د بکارت معاینات جرم او غیرقانوني عمل وګڼل شي. د روغتیا په برخه کې د اغلې تمنا کارونه هغه هڅې وې چې هغه یې د فوربز مجلې د سږکال له ۳۰کلونو کمعمرو اغېزلرونکیو ځوانانو په کتار کې ودرلوله.
