د هرات اختیارالدین کلا نن «د سولې فرش» په نوم د یوه نندارتون کوربه وه.
د دغه نندارتون موخه د خلکو د سولې غږ اوچتول او د بینالافغاني خبرواترو پیل و.
په هېواد کې د جګړې او ویجاړۍ او د وروستیو نږدې دوو لسیزو لاستهراوړنو تصویرونه په دغه دوهورځني نندارتون کې نندارې ته اېښودل شوي دي.
د نندارتون جوړوونکو په وینا، د دغه نندارتون نندارچیان د سولې په اړه خپلې غوښتنې او اندېښنې لیکي او بیا یې د دولت د سولې مرکچي پلاوي ته لېږي چې په بینالافغاني خبرواترو کې پرې بحث وکړي.
په یاد نندارتون کې انځور او حکاکي شوي اثار، لاسي صنایع او د لاسونو په وسیله د هرات جوړ شوي تاریخي ځایونه نندارې ته اېښودل شوي دي. د نندارتون جوړوونکو په وینا، هغه اثار چې په یاد نندارتون کې اېښودل شوي، د زدهکوونکو کار و.
دغه نندارتون به دوه ورځې په اختیارالدین کلا کې د نندارچیانو پر مخ خلاص وي.
