د ماشومانو ادبیاتو ته پام د دې لامل شویدی چې وروستیو میاشتو کې د ماشومانو لهپاره د داستانونو او مجلو چاپ او خپرول زیات شي.
کابل کې د یوې خپروندویې ټولنې له لوري د ۱۰ ټوکو کتابونو خپرېدلو ترڅنګ، دې وروستیو میاشتو کې د شهرناز مجلې او د ماشوم خبر وېبپاڼې هم د ماشومانو د ادبیاتو کورنۍ سره یوځای شویدی.
د ماشوم خبر ویبپاڼې مسوول مدیر ظفرشاه رويي وايي، افغانستان کې ماشومان ښوونیزو منابعو ته د لاسرسي له اړخه وروسته پاتې دي او دغه تشه ټولو ته څرګنده ده.
د ښاغلي رويي په وینا، د ټولو هغو ماشومانو لهپاره پروفایل جوړول ـ چې له زدهکړو لېرې پاتې دي او د درنو کارونو ترسره کولو ته اړ دي ـ د ماشوم خبر ویبپاڼې له کاري برخو څخه دي.
د ده په خبره، دوی پر ماشومانو پروفایلونه جوړوي او بیا له ماشومانو سره د مرسته کوونکیو ادارو ته د مرستو د دوام لهپاره راجع کېږي.
د شهرناز مجلې مسووله مدیره بېنظیر طاهریان وايي، د کډوالۍ پر مهال یې د ماشوم ادبیاتو ته لاسرسی نه درلود او اوس یې د شهرناز مجلې په پیلولو سره د ماشوم ادبیاتو ته د ماشومانو د لاسرسي زمینه برابره کړېده.
د مېرمن طاهریان په وینا، پلازمېنه کابل او ولایتونو کې د ماشومانو وضعیت او د ماشومانو ادبیات د اندېښنې وړ دي.
دا وړاندیز کوي چې د ماشومانو او لویانو نړۍ سره ډېر توپیر لري، په همدې اساس دوی د ټولنې د یوې مهمې برخې په توګه حق لري چې ادبیات یې د هغوی په ژبه او د هغوی فکر سره سم ولیکل شي.
د ماشوم ادبیات د غازي امانالله خان حکومت پر مهال د افغانستان مطبوعاتو کې ځای شول او سراجالاطفال لومړنۍ خپرنیزه وه هغه وه چې هغه وخت پهکې د ماشوم ادبیات خپرېدل.
ورته مطالب:
هرات کې د ماشومانو ادبیات؛ د ماشومانو مطالعه ډېره شوې
