هرات-خواف تیمور یولی دفتری مسوولی ذبیحالله طاهری نینگ ایتیشیچه، اوشبو تیمور یول ایشی نینگ 3- بولیمی امنیتی تهدیدلر باعث، جاری ییل 29 ثور ده توخته‌تیلگن ایدی.
جناب طاهری‌گه کوره، ایران تامانیدن افغانستان حکومتی مسووللری نینگ سعی و حرکتیدن سونگ، نیاز بولگن تجهیزات‌لرنی ایراندن هرات ولایتیگه انتقال بیریش لایحه باشلنگن دیر.
هرات ولایتی بوییچه تشقی رابطه‌لر باشلیغی امین‌الله آزادانی، هرات-خواف تیمور یولی ایش سوسلیگی‌نی تصدیق‌لب ایتیشیچه، تیمور یولی بو بولیمی نینگ ایشی سوسلیگی‌گه سبب بولگن موضوع‌لر بیللی ایتیله‌دی.
هرات حاکمی سوزلاوچیسی جیلانی فرهاد نینگ ایتیشیچه، هرات-خواف تیمور یولی پروژه‌سی برابریده بولگن امنیتی قیین‌چیلیکلر اوشبو ولایت حربی کینگشیده تیکشیریلگن و حل یول تاپیش اوچون سعی و حرکت قیلینه‌دی.
هرات-خواف تیمور یولی‌نی 3- بولیمی نینگ ایشی اوشبو پروژه قوروقچی‌لری اوستیگه هجوم ایتیلگنی دن سونگ، توخته‌تیلگن ایدی.
هرات-خواب تیمور یولی نینگ 3- بولیمی غوریان تومنی نینگ چاسرخ منطقه‌سیدن اوشبو تومن روزنک منطقه‌سیگه‌قدر 60 کیلومتر بولیب ایران تامانیدن توزه‌لیشی ممکن.
