اوی و شهر قوریش وزیرلیگی نینگ مسووللری و ترکیهلیک بیر شرکت اورتهسیده قوریلیش موادلر ایشلب چیقاری ایشخانهسی تاسیس بولیشی توغریسیده بیر شرطنامه گه قول قوییلدی. لایحه نینگ قیمتی 11.4 میلیون. اولر، ایچکی محصولات ایشلب چیقاریش، ایش زمنیهسی یرهتیش و بنا قوریش صفتی آشیریلیشی اوچون بو ایشخانه فعالیتگه باشلهشینی کته اهمیتگه ایگه دیگنلر. مذکور فابریکه قوریلیب ایشگه باشلهگندن سونگ ییلده 300 متر مکعب قوریلیش موادی ایشلب چیقاریلهدی.
اوی و شهر قوریش وزیری سیدسعادت منصور نادری، قوریلیش موادلر ایشخانهسی، بیر ییلگچه قوریلیب فایده لهنیش گه تاپشیریلهدی دیگن. اونینگ سوزلریگه کوره، مذکور فابریکه 37 قسم زمانوی دستگاه بیلن فعالیتگه باشلیدی. بو فابریکه دستلب مکتبلر، بیلیم یورتلر و شفاخانهلر اوچون قوریلیش مادهلر ایشلب چیقارهدی.
افغانستان شهر قوریش وزیری، حاضرگی کونده مملکتده بیر متر مکتب قوریلیشی 350 دالرگچه و بو فابریکه نینگ محصولاتی بازارگه چیقاریلگن حالده، قوریلیش موادنینگ بیر متری 275 دالر پسگه توشهدی دیگن.
کیلیشووگه قول قویگن ترکیهلیک شرکت نینگ باشلیغی اوریا گونر، بو توغریده افغانستان حکومتی بیلن همکار ایکن لیگیدن خرسندلیک بیلدیرگن. شونینگدیک بو خصوصیده همکارلیکلری آشیریلشی حقیده سوز بیرگن جناب گونر.
بیر قنچه سوداگرلر مذکور کارخانه قوریلیشی بیلن مملکتده قوریلیش مادهلر بولیمی حکومت آرقهلی قمرهب آلینیش معنیسیده دیگنلر. لیکن اوی و شهر قوریش وزیری، قوریلیش مادهلر ایشلب چیقاره دیگن فابریکهنینگ فعالیتگه باشلهشی مملکتده قوریلیش مادهلرنی دولت ذمهسیگه قمرهب آلیش معنیسیده ایمس دیگن. او، بوتون سرمایه یاتقیزووچیلردن بو بولیمده سرمایه یاتقیزیشلرینی طلب قیلگن.
