اوتگن کون (پنجشنبه 19- سرطان) دنیا بانکی نینگ رهبرلیک هیأتی، افغانستان ده کرونا ویروسی نینگ سلبی اثرلری گه قرشی کورهش، ضرر کورهدیگن اهالی گه دستلبکی امکانیتلرنی یرهتیش و خصوصی تشبثلریدن حمایت قیلیش اوچون، قیته بیریلمهیدیگن 200 میلیون دالر ارزشی گه بیر مالی بسته یاردم بیریلیشی نی تصویب قیلدی.
بوگون (جمعه 20- سرطان) مذکور بانک تامانیدن رسانهلرگه یوباریلگن خبرنامهده کیلیشیچه، مذکور مالی یاردم «افغانستان ده کووید – 19 فاجعهسیگه جواب بیریش پالیسیلری نینگ رواجلنتیریش برنامهسی» نینگ چارچوبهسی اساسیده صرفلنهدی.
مذکور مالی یاردم فراهم ایتیلیشی بیلن افغانستان حکومتی اقتصادی و اجتماعی وضعیت تیزلیکده یخشیلنیشی و برق انرژیسی تأمین ایتیلیشی، ایچیملیک سووگه قول تاپیش و مخابراتی خدمتلرگه اوخشهگن بنیادی ایشلر توغریسیده جدی فعالیت قیلیشی کوتیلگن.
مذکور مالی یاردم گه 100 میلیون دالر قشاق مملکتلرگه دنیا بانکی نینگ مالی یاردملرینی فراهم قیلهدیگن خلقارا رواجلنتیریش اداره و باشقه 100 میلیون دالری ایسه خلقارا تمویل قیلهدیگن تشکیلاتلر و 34 مملکت نمایندهلیگیدن دنیا بانکی مدیریت قیلهدیگن افغانستان قیته قوریلیشی صندوق یاردمی تامانیدن تیارلنگن.
افغانستان ده دنیا بانک گروپی نینگ دفتری باشلیغی هینری کرالی نینگ ایتیشیچه: «افغانستان ده کووید – 19 ویروسی کینگهیشی اقتصادی رواجلهنیش و ملی عواید کمهیشی گه سبب بولگن بیرحالده، اوشبو مالی منبعلر برنامهسینی مذکور ویروس نینگ یمان اثرلرینی کمهیتیش اوچون فراهم قیلهدی.»
دنیا بانکی گه کوره، کرونا فاجعهسی تورلی بولیملر جملهدن ساغلیک، اقتصادی و اجتماعی بولیمی اوستیگه کوپ یمان تأثیر قویگن کیم نهایتده، اقتصادی رواجلهنیش و ملی درآمد کمهیشی گه سبب بولگن.
شونینگدیک دنیا بانکی کمیده ایکی آی آلدین کرونا ویروسی نی مدیریت قیلیش اوچون افغانستان گه 400 میلیون دالر یاردم بیرگن ایدی.
