مملکت تشقی ایشلر وزیرلیگی، اوزبیکستاندن افغانستانگه برق انتقال بیریش 10 ییللیک شرطنامه امضا قیلینگنیدن خبر بیرگن.
تشقی ایشلر وزیرلیگی نینگ ایتیشیچه، اوشبو شرطنامه برشنا شرکتی باشلیغی احمد داوود نورزی و اوزبیکستان ملی برق ترماغی باشلیغی داداجان عیسکولوف آرهسیده امضا ایتیلگن.
تشقی ایشلر وزیرلیگی نینگ اعلان قیلیشیچه، مذکور شرطنامه اوتگن "جمعه" کونی افغانستان تشقی ایشلر وزیرلیگی سرپرستی محمدحنیف اتمر و اوزبیکستان باش وزیرلیگی نینگ اورین باسری و سوداگرلیک وزیری عمراکوف سردار اکتومویچ حضوریده امضا ایتیلگن.
تشقی ایشلر وزیرلیگی نینگ کوپهیتیریشیچه، اوشبو شرطنامه عملگه آشیریلیشی بیلن شمال، مرکز، جنوب و جنوبغرب ولایتلری و شونینگدیک، مملکت باشکنتیگه 24 ساعتلیک برق فراهم قیلینهدی.
نیچه پیت آلدین تاجیکستان مملکتی سوو کملیگی سبب، افغانستانگه صادر قیلهدیگن برق نی 350 میگاوات دن 40 میگاواتگه کمهیتیرگنینی اعلان قیلگن ایدی، بیراق، حاضرده افغانستان و اوزبیکستان آرهسیده برق انتقال بیریش شرطنامه امضا قیلینگن.
