سام (Senior Official Meeting) ایکینچی اولتیریشیده افغانستان حکومتی جهانی جامعهسی گه بروکسلده مذکور اولتیریش اوچینچی مرحلهسی اوتکزیلمسدن آلدین، فسادگه قرشی کورهشیش، یخشی حکومتدارلیک، ایکینچیلیک و کان چیقاریش بولیمیده دنیا سرمایه دارلرینی جذب قیلیش و ایش زمینهسی یرهتیش بارهسیده بیرگن وعدهلری عملگه آشهدی.
دوشنبه کونگی کابلده اوتکزیلگن اولتیریشده مالیه وزیری اکلیل حکیمینینگ ایتیشیچه، بیریلگن وعدهلر لایحهسی کیلهجک 4 یا آلتی آیگه قدر تیار بولیشی ممکن.
جناب حکیمی لایحهلر عملگه آشیریلیشی و باشلهنیش و اداغی، تیگیشلی وزیرلیکلر تامانیدن بیریلگن وعدهلر انیق لهنیب، کیلهسی ییلده سام اولتیریشی بروکسلده بولیب اوتیشی بیلن بیرگه حکومت رسمیلری قیله آلسه جهانی جامعهسی قناعتینی قولگه کیلتیرسه دیگن.
مالیه وزیرینینگ بیلدیریشیچه، ظرفیتگه ایگه بولگن وزیرلیکلر، جملهدن کانلر، سوداگرلیک و صنعتلر، ترانسپورت، مخابرات و تکنولوژی و مالیه وزیرلیکلری اداری فسادنی ایلدیزیدن یوقاتیش اوچون باید جدی تصمیم آلسهلر.
او، فسادگه قرشی کوره شهدیگن برنامهلر شو مالی ییل باشلهنیشیدن اداغیگه قدر برچه اختیاریگه بیریلیشی کوزهتیلهدی دیگن.
شونینگدیک حکومت رسمیلری نینگ دارایسی ثبت بولیش، بانک و سیلاو نظامی اصلاح ایتیلیشی، ولایت و تومنلر باشلیغی معرفی بولیشی، سام ایکینچی اولتیریشیده جهانی جامعهسی نینگ افغانستان حکومتیدن ایستهکلری جملهسیدن ایدی و حکومت هم کوپلب قیینچیلیکلر بیلن روپهره بولگن، اما بیرگن وعدهلرینی عملگه آشیرماقده.
عین حالده، سام اولتیریشی کوپیلر آلدیده یوتوقلی و ایجابی اولتیریشلردن بیری بولگن. افغانستان اوچون بیرلشگن ملتلر تشکیلاتی ویژه نمایندهسی نیکولاس هیسم کابلده بو اولتیریشنی ایجابی لیگینی اورغولهگن. اونینگ ایتیشیچه، جهانی جامعهسی یاردملیکلرینی اوتمیش دیک حکومت تامانیدن اداری فسادگه قرشی کورهشیشی اوچون دوام بیریشی کیرهک.
جناب هیسم (ریکا) منطقهیی یاردملیک اولتیریشینی ایجابی بیلهدی و منطقه یاردم بیرهدیگن اولکهلری ارا فکر المشتیریش اوچون زمینه یرهتگنلیگینی ایتگن. جناب هیسمگه کوره، ریکا اولتیریشیده، حکومت بوشلیقلری بارهسیده هم سوزلشگن، اما او بو بوشلیقلرنیمهلیگینی ایتمهدی.
عین حالده، حکومت رسمیلری شوییل آقیمیده اولکه عدلی و قضایی نظامیگه اصلاحات کیلتیریشماقده ایکنلیکلرینی بیلدیرگن.
بالهلرگه قرشی بولهدیگن خشونتلر آلدینی آلیش، درآمدلی ییرلر اصلاح ایتیلیشی، قیشلاقلرده ایش زمینهسی یرهتیلیشی، نیازلی عایلهلرگه یاردم بیریلیشی و اولرگه تیکین شکلیده برق ترقه تیلیشی ایتیلگن.
