بوگون (یکشنبه) چین باشکینتی بیجینگ نینگ میزبانلیگی بیلن «بیرکمربند، بیریول» نامیده ایپک یولی ییریک اقتصادی ایکی کونلیک ییغینده افغانستاندن نمایندهلیک قیلیب تجارت وصناعت وزیری همایون رسا اشتراک ایتگن.
چین میدیالری نینگ نقل قیلیشیچه، چین جمهور رییسی شیجینگ پینگ «بیرکمربند، بیریول» لایحهسی آچیلیش مراسیمده نطق سوزلهشیب، اوشبو ترانزیتی و اقتصادی لایحه دنیا خلقی اوچون اونملی دیگن.
افغانستان تجارت و صناعت رسمیلری هم «بیرکمربند، بیریول» لایحهسی عملگه آشیریلیشی بیلن مملکت اقتصادیگه اونملی دیگنلر.
افغانستان صناعت و تجارت اتاقینینگ سوزلاوچیسی صیامالدین پسرلی نینگ سلاموطندارگه ایتیشیچه، اوشبو لایحه عملی بولیشی بیلن مملکتده ترانزیتی و تجارتی ایشلرگه زمینه یرهتیلهدی و اورته آسیا مملکتلری بیلن جنوبی آسیا مملکتلری غربی و اروپا مملکتلریگه قوشیلهدی. اونینگ ایتیشیچه، اوشبو لایحه چین مملکتی تامانیدن عملی بولهدی و دنیانینگ 20 دن آرتیق مملکتی اونگه حصه آلیشی ممکن.
افغانستان تجارت و صناعت اتاقی رسمیلری نینگ کوپهیتیریشیچه، مذکور لایحه عملی بولیشی بیلن مملکت صادرات و واردات کالالری هزینهسی بهاسی توشهدی و مذکور کالالر آز مدتده باشقه مملکتلرگه صادر قیلینهدی.
