برشناشرکت رسمیلری لوگر، خوست و پکتیا ولایتلریگه برق بیریش لایحهسینی ایکی خصوصی شرکت بیلن امضا قیلدی. شرطنامهده کیلگوسی بیرییلگه قدر 44500 خانهدان برق یاروغلیگیدن فایدلنهدی دیب یازیلگن.
اولرگه کوره، مذکور لایحه 55.8 میلیون دالر هزینه کوتریشی بیلن آسیا ترقیات بانکی تمانیدن تمویل بولهدی.
بوگون برشناشرکت باشلیغی قدرتالله دلاوری جمهور رییسلیک سراییده اوشبو شرطنامهگه قول قویش پیتیده، مذکور لایحه ایش آلیشگه بیریلیشی بیلن پکتیا ولایتیده 18500، لوگر مرکزی پل علمده 13000 و خوست ولایتیده 13000 مینگ خانهدان برق یاروغلیگدن فایده لنهدی دیدی.
اونگه کوره، بیتیمگه قول قویلیشی بیلن ایکی هندوستانلیک خصوصی شرکت تامانیدن محل تیکشیریلیب خریطهسی آلینگندن سونگ 2018 – ییل اداغیگه قدر پروژهلر ایش آلیشگه تاپشیریلهدی.
آسیا ترقیاتی بانکی نمایندهسی توماس پنیلا، اوشبو پروژهلر ایشی باشلهنیشی بیلن مینگلرچه کیشیگه ایش زمینهسی یره تیلهدی و اوشبو لایحهلر افغانستان اقتصادیگه ایجابی تأثیر تشلیدی دیگن.
شوحاضر افغانستان نیازلی برقیدن 23 فایزینی سوو منبعلریدن تأمین قیلهدی و قالگن 77 فایز برقی مملکتدن تشقریدن کیلتیریلهدی.
