بوگون "یکشنبه" کابلده اوتکزیلگن خبری بیر ییغینده قیشلاقلرنی رواجلنتیریش وزیرلیگی و خصوصی شرکتلر آرهسیده 307 میلیون افغانی ارزشی بولگن 44 پروژهنی شرطنامهسی امضا ایتیلدی.
قیشلاقلرنی رواجلنتیریش وزیرلیگینینگ سوزلاوچیسی فریدون آژندنینگ ایتیشیچه، مذکور پروژهلر مملکت 17 ولایتیده عملگه آشیریلهدی و 107 مینگ کیشی اوشبو پروژهلردن فایدهلهندی.
قیشلاقلرنی رواجلنتیریش وزیرلیگینینگ سوزلاوچیسیگه کوره، موجود بولگن قوروقچیلیکلر باعث اوشبو پروژهلر سوو یتکیزیش خصوصیده کابل، بلخ، بادغیس، غزنی، غور، هلمند، هرات، خوست، کنر، کندز، لغمان، لوگر، ننگرهار، پکتیا، پروان، سمنگان و میدانوردک ولایتلریده عملگه آشیریلهدی.
قیشلاقلرنی رواجلنتیریش وزیرلیگی رسمیلرینینگ ایتیشیچه، مذکور پروژهلر بودجهسی مالیه وزیرلیگی و ملی بودجه تامانیدن بیریلهدی.
