اوتگن کوندن بیری افغانستانلیک اونلب تجار همده هیداووچی افغانستانلیک تجارلر ینه هیداووچیلرگه ویزای بیریلمهگن لیگی سبب اعتراض بیلدیریب افغانستان – تاجیکستان قوشمه چیگرهسینی یاپگنلر.
اولر، افغانستان حکومتی تاجیکستانلیک 250 هیداووچیسی آلتی آیلیک ویزا بیرگن، اما تاجیکستان دولتی ایسه افغانستانلیک 25 هیداووچیگه بیر آیلیک ویزا بیرگن لیگینی ایته دیلر.
اولرنینگ سوزلریگه کوره، تاجیکستان ایلچیلیگی افغان تاجرلریگه بیریله دیگن ویزا ساینی چیکلهگن. اولر، بو قیین چلیک حل ایتیملهگن حالده، شیرخان بندرینی آچمسلیکلری توغریسیده آگاهلنتیریلگن.
اعتراضیچلر افغانستانلیک تجارلر همده هیداووچیلرگه تاجیکستان حکومتی تاماندن بو کبی قیلمیش عملگه آشیریلمهیدی دیدیلر.
اعتراضچیلرنینگ ناراضلیگینی حق دیب بیلگن قندوز ولایتی والیسی نینگ سوزلاووچیسی سیدمحمود دانش، بوندن ایکّی کون آلدین اوشبو قیین چلیک حل ایتییلیشی اوچون محلی ارگانلر ادارهسیگه نامه یوبارگن لیکلرینی ایتگن. او، بو معما تیز آره ده حل ایتیلیشی توغریسیده سوز بیرگن.
بو توغریده تاجیکستان نینگ افغانستاندهگی ایلچیلیگی فکرینی اورگهنیش اوچون آلیب بارگن سعی وحرکتلریمیز نتیجه بیرمهدی.
