له افغان دولت سره د دغو ۳۲۵ میلیونه ډالرو وړیا مرستې تړون نن په افغانستان کې د نړېوال بانک د څانګې رییس او د مالیې سرپرست وزیر همایون قیومي ترمنځ لاسلیک شو.
د مالیې سرپرست وزیر همایون قیومي یادې پیسې به د دولت او خلکو لومړیتوبونو ته په کتو د اقتصادي ودې، خلکو ته د ښو خدمتونو رسولو او اداري سمون د دوام په برخو کې ولګول شي.
په افغانستان کې د نړېوال بانک څانګې رییس شوبهم چودري وايي، افغان حکومت ته د دوی له لوري ورکړل شوې پیسې به د ښو خدمتونو وړاندې کولو په موخه د پروګرامونو په طرح او عملي کولو او د اداري ظرفیتونو لوړولو برخه کې چې له مخې به یې ګڼ شمېر ځوانانو ته د کار اسانتیاوې برابرې شي، د کار او ټولنیزو چارو وزارت له لوري ولګول شي.
دغه راز د یادو پیسو ۲ سوه میلیونه ډالر به کورنیو بېځایه شویو او بېرته راستنو شویو کډوالو ته په ښارونو کې د بوختیا موندلو او د مناسب چاپېریال برابرولو برخه کې ولګول شي.
د دې ترڅنګ ۵۰ میلیونه ډالر به یې د تلپاتې پراختیا، کار او د ژوند چاپېریال جوړولو په موخه د ۹ ولایتونو په مرکزونو کې پانګونه وشي چې له مخې به یې د ښاروالیو ظرفیتونه لوړ، مدیریت یې ښه او زېربناوې رامنځته شي.
افغانستان سره د نړېوال بانک ۴۰۳ میلیونه ډالر مرسته
نړۍوال بانک له افغان حکومت سره ۶۹۱ میلیونه ډالره مرسته وکړه
نړېوال بانک د پُستي خدماتو په برخه کې له افغانستان سره ۱۰ میلیونه ډالرهمرسته کوي
د دغو پیسو ۷۵ میلیونه نورې به د بشري سرچینو او اداري سمون (د بدلون پروژې) ظرفیت لوړولو ته بېلې شي.
د مالیې وزارت د شمېرو له مخې، نړیوال بانک له ۲۰۰۲ کال راهيسې د افغانستان پراختیایي پروژو لپاره له ۳۸۵ میلیارډ ډالرو د زیاتې مرستې ژمنه کړې ده.
دغه راز د افغانستان بیارغاونې امانت صندوق چې مدیریت یې د نړیوال بانک پرغاړه دی، دغه بانک ۱۰۳میلیارډه ډالر د حکومتوالۍ، سمون، پوهنې، روغتیا، کرنې، د کلیو پراختیا، بشري سرچینو، ټولنیزې پراختیا، انرژي او زېربناوو برخه کې مرسته کړې ده.
