نورستان غربی‌ده جایلشگن منطقه‌نینگ یشاووچی‌لری، جنگری طالب‌لر و داعش گروهی آرقه‌لی تهدید بولیشلرینی ایتگن‌لر. اولر دولت‌دن مشکل‌لریگه اعتبار قره‌تیش‌نی سوره‌گن‌لر.
نورستان‌لیک‌لر، اوروش نتیجه‌سیده مالی و جانی تلفات گواهی بولگن‌لیک‌لرینی ایتگن‌لر.
نورستان غربی‌ده جایلشگن منطقه‌نینگ اهالیسی‌دن بیر عبدالرووف‌نینگ سلام وطندارگه ایتیشیچه، دادخواه‌لیک قیلیش اوچون قه‌ییرگه باریش‌نی بیلمیدی
اهالی‌دن باشقه بیری عبدالحی، نورستان ولایتی‌نینگ ایریم منطقه‌لری قوراللی طالب‌لر و بعضی منطقه‌لری داعش تامانیدن تصرف ایتیلگن لیگی‌نی ایتگن.
ولایت‌نینگ اهالی‌سی جنگری طالب‌لر همده داعش گروهی آرقه‌لی تهدید بولیش‌لری امینتی رسمی‌لر تامانیدن هم تصدیق‌لنگن.
نورستان خوف‌سیزلیک اداره‌سی نینگ آمری عبدالجبارنینگ سلام وطندارگه بیلدیریشیچه، ولایت‌نینگ وایگل منطقه‌سیده جنگری طالب‌لر و داعش نینگ فعالیتی کوپیگن.
گزارش‌لرده، داعش و طالب‌لر اورته‌سیده نیچه ولایت‌ده اوروش یوز بیرگنی ایتیله‌دی. عین حالده، افغانستان غربی‌ده قوراللی طالب‌لر ایران‌دن مالی امکانیت آلیش بیلن داعش گروهی‌گه قرشی اوروش قیلیش‌گه جهازلنگن لیک‌لری ایتیله‌دی.
طالب‌لر گروهی‌نینگ رهبرلیک کینگشی یقین‌ده ابوبکرالبغدادی‌گه نامه یوللب، افغانستان‌ده قوراللی طالبلرنینگ موجودلیگی سبب بو مملکت‌ده داعش گروهی‌گه احتیاج سیزیلمس‌لیگی‌نی ایتگن.
اسلام امارت رهبرلیگی کینگشی‌دن نشر ایتیلگن نامه‌ده طالب‌لر حرکتی اسلام دنیاسی‌گه تنیلگن بیر گروه دیر، داعش‌گه قره‌شلی گروه‌لرنی جنجال توغدیریشی دنیا مسلمان‌لری اوچون چیدیلمی دیگن بیر حرکت دیر.
