امیریکه فدرال پولیسی اسلامی دولت گروهی (داعش) نینگ اوچ اعضاسی امیریکه جمهور رییسی بارک اوباما نی ترور قیلیش اوچون سعی و حرکت قیلگنلیکده عیبلب قولگه آلگن. مذکور اوچ کیشی نیویورک و فلوریدا شهرلریده اوشلنگنلر.
«اف بی آی» ایتشیچه، مذکور شخصلر داعش نامیده جمهور رییس اوبامانی سوء قصد قیلیش مقصده بولگنلر. اوشبوکیشیلر اوزبیکستان و قزاقستاندن امیریکه گه کیلگنلیکلری ایتیلهدی. بولرنینگ هر بیری 19،24، 30 یاشیده بولگن.
اینگ یاشی کته بولگن شخص گروهنی رهبرلیک قیلیش مسوولیتی ذمه سیده بولگن. ایتیلیشیچه، اوشبو گروه توغریدن – توغری داعش بیلن علاقه سی بولگن.
نیویورک پولیس قوماندانی ویلیام بریتونف، اسلامی دولت گروهی (داعش) غربی مملکتلرگه یول تاپیش اوچون اجتماعی ترماقلردن فایده لنه یاتگن لیگینی ایتگن. اجماعی ترماقلر آرقهلی اعضا بولگن شخصلر تامانیدن ترورچیلیک فعالیتلر عملگه آشیریلشی ایتیلهدی.
بوندن نیچه وقت آلدین داعش گروهی امیریکه ملی اردوسی قوماندانلیگی نینگ توییتر آدرسینی هک قیلگنلیگی باره سیده خبر چیققن ایدی.
اوشبو گروه توییترگه نفوذ قیلیش بیلن امیریکه ملی کوچلر مرکزی قوماندانلیگی توییتر صحیفه سیگه کریب، امیریکه و بونگه اتفاقداش مملکتلر بیزلرنینگ ایناغه میزنی سوریه، عراق و افغانستانده هلاک قیلهدی دییه یازگن ایدی.
مذکور تهدیدلی پیامدن تشقری، امریکا جمهور رییسی بارک اوباما نینگ سوییلیش حالده کورینه دیگن تصویری ویدیو هم نشر ایتیلگن ایدی. مذکور ویدیو صورتده داعش نینگ رهبرلریدن بیری تیزلیک امیریکه جمهور رییسی بارک اوباما منه شوندهی سوییلهدی دییه آگاهلنتیرگن.
