ایتیلیشیچه، تبعیده حیات کیچیره دیگن طالبلرنینگ بیش اعضاسی اوتکن ییل امیریکه لیک عسکر «بو برگدال» نینگ اولر تمانیدن هیچ قندهی شرط سیز قوییب یوباریلگنی اوچون سه شنبه کونی سورگوندن چیقیشی کوتیلهدی.
طالبلرنینگ قوماندانلریدن بیری محمدفاضل، طالبلر ایچکی ایشلر وزیرینینگ اورین باسری عبدالحق وثیق، مزارشریفدهگی طالبلرنینگ یوقاری مرتبهلی قوماندانی ملانورالله نوری، اسامه بن لادن و ملاعمرنینگ یقین کیشی لریدن بیری خیرالله خیرخواه و اوشبو گروه نینگ اعضاسیدن بیری محمدنبی تیزلیکده قوییب یوباریلیشی کوتیلهدی.
مذکور بیش کیشی میلادی 2001- ییل امیریکه کوچلری تامانیدن توتقونگه آلینیب، اوندن کیین قماقنی اوتکزیب، بیش ییل گوانتاناموده سقلهنیب و بیر ییل قطرده سورگونگه محکوم بولگنی ایتیلهدی.
تینچلیک عالی کینگشینینگ اورین باسری عبدالحکیم مجاهدنینگ بو توغریده ایتیشیچه، طالبلرنینگ بیش اعضاسی قوییب یوباریلیشی مملکتده تینچ لیک تامین ایتیلیشی اوچون ایجابی تاثیر قوییشی ممکن.
جناب مجاهدنینگ ایتیشیچه، مذکور کیشیلر مملکتگه قیتگن صورتده، حکومت تامانیدن اولر اوچون تینچ فضا یرهتیلیشی کیرهک.
امیریکه حکومتی اوتکن ییل مذکور کیشیلرنینگ سورگوندن چیقیش فرمانینی بیرگن بیرچاغده، مذکور کیشیلر قطرده سورگونده بولگنی و تشقی مملکتلرگه سفر قیله آلمس لیگینی ایتکن ایدی.
سیاسی ایش بیلرمانلردن بیری وحیدمژده نینگ ایتیشیچه، مذکور بیش کیشی نی قوییب یوباریلیشی، تینچ لیک لایحهسی اوستیگه اونچهلیک تاثیر تشلمه یدی.
جناب مژده گه کوره، افغانستان تینچلیک لایحهسی اوستیگه یالغیز طالبلرنینگ قطردهگی دفتریگه اعضا بولگن کیشیلر تاثیر تشلهیدی.
جناب مژده، مذکور بیش کیشی حربی بولگن. دیمک تینچ لیک مذاکرهلرنی آلغه آلیب باریشگه طالبلر دفتری نینگ سیاسی کمیسیونی مسوول دیگن.
جناب مژده نینگ ایتیشیچه، بو کیشی لرنینگ المشتیریلیشی حساسیتلی بولیب، مذکور کیشی لر هردایم دولت نظارتی و باشقروی آستیگه بولیشی کیرهک.
جمهور رییسغنی نینگ قطرگه سفری قیلیشی ایتیلگن ایدی.
معلوماتلرگه کوره، اوشبو سفر تینچ لیک مذاکرهلرنی آلغه آلیب باریش اوچون بولسه، بیراق نامعلوم دلیللر باعث بیکار ایتیلدی.
ایتیلیشیچه، طالبلرنینگ مذکور 5 اعضاسی دن 4 تهسی نینگ آتی بیرلشگن ملت لر تشکیلاتی نینگ قاره روی خطیگه کیریتیلگن.
مذکور تشکیلات قانونیگه کوره، اولرنی آزدالیککه چیقاریش مقصدگه موافق ایمس دیر.
