.JPG)
سیلاو اصلاحات کمیسیون رسمیلری نینگ ایتیشیچه، قوس آی سونگیسیگه قدر حکومتگه ایکینچی پیشنهادلرینی ارایه قیلماقچیلر.
جمهور رییس تامانیدن سیلاو اصلاحات کمیسیونی بیرینچی پیشنهادیدن سیلاو حوزهلری، سیلاو نظامیگه اوزگریش کیلتیریش و شفافیت کمیتهسی رد ایتیلیب، کوپلب تیکشیریلیشی اوچون مذکور کمیسیونگه قیتیریلگن ایدی، بولر ایکینچی پیشنهاد مهم بولیمی ایتیلهدی.
بوگون سیلاو اصلاحات کمیسیون باشلیغی شاهسلطان عاکفی نینگ فعال عیاللر اولتیریشیده سوزگه چیقیش قیلیب ایتیشیچه، بو کمیسیون ایشی اوشبو آی سونگیسیگه اوز نهایه سیگه ییتهدی و اولر کمیسیون وقتی تمدید بولیشیگه علاقهلری یوق، بلکیم جمهور رییس بیرگن فرصتدن استفاده قیلیب اوز ایشلرینی یکونلنتیرماقدهلر.
جناب عاکفی نینگ ایتیشیچه، سیلاو اصلاحات کمیسیونی سیلاو بارهسیده اهالی ایشانچینی قیته تیکلش اوچون کوره شهدی، شو اوچون ایکی سیلاو نظامینی پیشنهاد قیلگنلر: موازی سیلاو نظامی و نیچه بُعدلیک سیلاو نظامی.
شونینگدیک عاکفی نینگ ایتیشیچه، حاضرگه قدر ۲۰۰۰ مینگ کیشی سیلاو ایش بیلرمانلری، بیلیم یورتلر اوقیتوچیلری، مدنی نهادلر، عیاللر و باشقه اولکه یشاوچیلری بیلن سیلاو نظامی بارهسیده صحبت قیلینگن.
.JPG)
باشقه تاماندن سیلاو اصلاحات کمیسیونی نینگ اورین باسری صدیقالله توحیدی نینگ سلاموطندارگه ایتیشیچه، بو پیشنهادگه اوچ مهم مسالهدن ایری باشقه نرسهلرهم، لویه جرگه و شارواللیک سیلاولری بارهسیده اساسی قانون تعدیل ایتیلیش پیشنهادی هم ارایه بولیشی ممکن.
جناب صدیقی نینگ ایتیشیچه، اولرنینگ بوگونکی مدنی نهادلر فعال عیاللر اولتیریشیده، مذکور کمیسیون سونگی اولتیریشی دیب و بو اولتیریشده بیلدیریلگن فکرلرهم سیغدیریلهدی.
سیلاو اصلاحات کمیسیونی نینگ ایشی تمام بولیشی بیلن، حکومت تامانیدن بو کمیسیون پیشنهادلری عملگه آشیریلهدی دیگن وعده بیریلگن ایدی. بو کمیسیون آلدینگی پیشنهادلری، تنلهنیش کمیته ایشی باشلهنیشی کیرهک ایدی، لیکن حاضرگه قدر اونقه بولمهگن.
تنلهنیش کمیته اعضالریدن ۷ کیشی جمهورلیک سرایی ایش ادارهسی، بیر آی آلدین بو کمیته ایشی باشلهنیشی اوچون ایشانچ بیرگن ایدی، اما بو اداره وعدهسیدن هفتهلر اوتهدی، مذکور کمیته ایشیدن هیچ خبر یوق.
جمهورلیک سرایی سوزلاوچیسی اورین باسری سیدظفر هاشمی نینگ سلاموطنداربیلن تیلفونی سوزلهشیب، بو کمیته ایشی کیینگه قالیش دلیلی مدنی نهادلر نمایندهلری سیلهنیش بارهسیده قرمه قرشیلیکلر بارلیگینی عنوان قیلهدی.
جناب هاشمی نینگ ایتشیچه، مذکور قیینچیلیک حل ایتیلیشی اوچون کیلهسی یقین پیتده مدنی نهادلر بیلن اوچرهشوو اوتکزهدیلر. اونگه کوره، جمهورلیک سرایی تنلهنیش کمیته ایشیگه ارهلش حقی یوق و مدنی نهادلر قرمه قرشیلیگی حل بولگندن کیین، بو کمیته ایشی باشلنهدی.
اما افغانستان مدنی نهادلر سیلاو ایشی مستحکملش شبکهسی (اکسین) باشلیغی جانداد اسپینغر نینگ سلاموطندارگه ایتیشیچه، سیلاو ایشلری اوچون مدنی جامعه نمایندهلرینی معرفی قیلیش اوچون نهادلرنینگ قیینچیلیگی یوق و مدنی نهادلرنی سیلاوگه تیگیشلی ادعالری اساسسیز بیر مساله دیر دیگن.
شونینگدیک اسپینغرنینگ ایتیشیچه، حاضرگه قدر جمهورلیک سرای و اداری ایشلر تمانیدن مدنی نهادلر قیینچیلیگی بارهسیده قیسی نامه بولرگه کیلمهگن.
