افغانستان چیگرهیی پولیسلریدن کمیده 100 تهسی ترکمنستان توپراغی گه کیرگنیدن سونگ، بوگون مملکت گه قیتگنلر.
مذکور چیگرهیی عسکرلر (25- حوت، شنبه کونی) بادغیس ولایتی نینگ بالامرغاب تومنیده طالبان گروهی نینگ هجومی دن سونگ، ترکمنستان چیگرهسیگه تامان آرقه گه چیکیلگنلر و اوتگن کون کیچ قورون افغانستان تشقی ایشلر وزیرلیگی ترکمنستان رسمیلری بیلن سوزلشگنیدن کیین مذکور مملکت نینگ توپراغی گه کیرگنلر.
سلاموطندارگه صحبت بیرگن بادغیس ولایت کینگشی باشلیغی عبدالعزیز بیگ نینگ ایتیشیچه، مذکور چیگرهیی عسکرلر بوگون مملکت گه قیتگنلر.
شونینگدیک، اوشبو خبرنی تصدیقلگن بادغیس حاکمینی سوزلاوچیسی چمشید شهابی نینگ ایتیشیچه، 70 چیگرهیی پولیس بوگون تورغندی بندری دن هرات گه کیلگنلر.
ایکی کون آلدین، بادغیس ولایتی نینگ بالامرغاب تومنی موریچاق منطقهسیده چیگرهیی پولیس کوچلرینینگ پوستهلری اوستیگه طالبان گروهی تامانیدن اویوشتیریلگن هجوم نتیجهسیده، 150 عسکردن 70 تهسی مذکور گروه گه تسلیم بولگن و باشقه 70 تهسی آمو دینگیزیدن اوتیب ترکمنستان توپراغی گه کیرگنلر.
دستلبکی گزارشلرده 100 عسکر ترکمنستان چیگرهسیگه آرقه گه چیکیلگنی ایتیلگن ایدی؛ بیراق حاضر محلی مسؤوللر بو عسکرلرنینگ رقمینی 70 ته دیگنلر.
شو توغریده…
امنیتی کوچلر طالبان و ترکمنستان آرهسیده قالگن؛ امیدی کیسیلگن عسکرلر تسلیم بولگن
