.jpg)
سیلاولر مستقل کمیسیونی‌نینگ باشلیغی احمدیوسف نورستانی اوتگن کون (شنبه) لوازمی‌دن استعفا بیردی. اونینگ استعفاسی درحال افغانستان جمهور رییسی تامانیدن قبول قیلیندی. اما، هنوزگچه جناب نورستانی نیمه اوچون لوازمی‌دن استعفا بیرگنی انیق ایمس.
جمهور رییس‌لیک سرایی‌نینگ فیسبوک صحیفهسیگه یازیلیشیچه، سیلاولر مستقل کمیسیون باشلیغی « مملکت بحرانی وضعیتی‌نی سیزگن حالده» بونده‌ی بیر تدبیرگه قولگن اورگن. شونینگ‌دیک سیلاولر مستقل کمیسیونی‌نینگ رسمی صحیفهسیگه، کمیسیون‌نینگ باشلیغی جناب نورستان ملی منفعت و مملکت بحرانی وضعیتی‌نی انبات‌گه آلگن تقدیرده، استعفا بیرگنی یازیلگن.
لیکن، اجتماعی ترماقلریده‌گی میش – میش لرگه قره‌گنده، جناب نورستانی لوازمی‌دن استعفا بیرمه‌گن؛ بلکه او ایش‌دن آلینگن. بیر قنچه اخبارات واسطه‌لری، اجراییه ریاستی مصلحتچی‌لریدن بیریگه اساسلب گزارش قیلیشیچه، جناب نورستانی ایش‌دن چیتله‌تیلگن.
عین حالده، بوندن نیچه وقت آلدین افغانستان جمهور رییسی مملکت تشقی ایش‌لر وزیرلیگی‌دن جناب نورستانی قوشیمچه سیلاولر کمیسیونی‌نینگ بیرقنچه کمیشنرلرینی ایریم مملکت‌لرگه ایلچی صفتیده تعین قیلیش‌نی سوره‌گن؛ بیراق، بو ایستک تشقی ایش‌لر وزیرلیگی تامانیدن رد ایتیلگن.
بو موضوع ایسه اخیرگی کون‌لرده فیسبوکچی‌لر تامانیدن کینگ روش‌ده دستکلندی. ایریم‌لر جناب نورستانی سیاسی بیر معامله اساسی‌ده لوازمی‌دن استعفا بیرگن دیب یازگن‌لر. فیسبوکچی‌لر، نورستانی تیزلیکده ایلچی ایتیب تعین له‌نیشی‌نی بیلدیرگن‌لر.
بو میش – میش‌لرنی تصدیق له‌گن سیاسی تحلیلچی یونس فکور، نورستانی اجراییه ریاستی تامانیدن باسیم آستی‌گه آلینگن بیر پیت‌ده سیاسی معامله‌گه قول اوریب، لوازمی‌دن استعفا بیرگن دیگن. اونگه کوره، نورستانی تیزلیکده بیرار مملکت اوچون ایلچی ایتیب تعینله‌نیشی ممکن.
فکور، اجراییه ریاستی، کمیسیون کمیشنرلرینی تقلب قیلگن لیکده عیبله‌گن حالده، بو مساله‌نی سیاسی باسیم آرقه‌لی ایمس، بلکه قانون یولی بیلن ایلگری آلیب باریشی مقصدگه موافق ایدی دیگن.
مذکور سیاسی تحلیلچی، افغانستان ملی بیرلیک حکومتی‌نینگ رهبرلری ایشانچ‌لریگه ماس همده فایده‌لریگه خذمت قیله‌دیگن شخص‌لرنی سیلاولر مستقل کمیسیون کمیشنرلری صفتیده تعین قیله دیلردیگن. فکور، بو مساله کیلگوسی سیلاولرنی بحران‌گه دوچار قیلیشی باره‌سیده اورغوله‌گن.
باشقه بیر سیاسی تحلیلچی کبیر رنجبرنینگ سلام‌وطندارگه ایتلیشیچه، ملی بیرلیک حکومتی‌نینگ رهبرلری کیلگوسی سیلاولرده منفعت‌لریگه ایش قیله‌دیگن شخص‌نی سیلاولر مستقل کمیسیون باشلیغی ایتیب تعین‌لیدی. اما، اخبارات واسطه‌لری و واهالی مملکت مهم کمیسیونلریدن بیری‌نینگ رییسی شخصی منفعت‌لر قربان بولمسلیگی اوچون رخصت بیرمس‌لیک لری اوستیده تاکیدلیدی جناب رنجبر.
سیلاولر تیزیمی‌گه اصلاحات کیرتیش لایحه‌سی جاری ییل بیر نیچه بار باشی بیرک کوچه‌ده ایله‌نیب قالدی. جمهور رییس غنی‌نینگ سونگی مرته صادر قیلگن فرمانی اساسی‌ده بیش کیشی دولت اداره‌سی و ایکّی کیشی ایسه مدنی جماعه‌چیلیک اداره‌لریدن اعضا آلینیب تنلاو کمیته‌سی تشکیل ایتیله‌دی. بو کمیته، سیلاولر کمیسیونی‌نینگ احتمالی کمیشنرلرنی جمهور رییس غنی‌گه تکلیف ایتیشی کوتیله‌دی
